ਯੂ.ਐਨ. ਸਿਕਿਓਰਟੀ ਕਾਊਂਸਲ ਪ੍ਰਚਾਰ ਲਈ ਪ੍ਰਧਾਨ ਮੰਤਰੀ ਟਰੂਡੋ ਸੈਨੇਗਲ ਪਹੁੰਚੇ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਆਪਣੇ ਅਫਰੀਕੀ ਦੌਰੇ ਦੌਰਾਨ ਅੱਜ ਸੈਨੇਗਲ ਵਿੱਚ ਹਨ।

ਕੱਲ੍ਹ ਰਾਤ ਟਰੂਡੋ ਦਾ ਸਵਾਗਤ ਹਵਾਈ ਅੱਡੇ ਤੇ ਵਿਦੇਸ਼ ਮੰਤਰੀ ਅਮੈਡੂ ਬਾ ਨੇ ਕੀਤਾ।

ਟਰੂਡੋ ਇਸ ਫੇਰੀ ਦੌਰਾਨ ਰਾਸ਼ਟਰਪਤੀ ਮੈਕੀ ਸੱਲ ਨੂੰ ਵੀ ਮਿਲੇ ਅਤੇ ਗੋਰੇ ਆਈਲੈਂਡ ਨਾਂ ਦੀ ਉਸ ਜਗ੍ਹਾ ਤੇ ਵੀ ਗਏ ਜਿੱਥੇ ਅਮਰੀਕਾ ਨੂੰ ਲਜਾਏ ਜਾਣ ਵਾਲੇ ਗੁਲਾਮ ਰੱਖੇ ਜਾਂਦੇ ਸਨ।

ਟਰੂਡੋ ਔਰਤਾਂ ਦੇ ਹੱਕਾਂ ਅਤੇ ਮਨੁੱਖੀ ਅਧਿਕਾਰਾਂ ਦੇ ਵੱਲ ਆਪਣੀ ਵਚਨਬੱਧਤਾ ਨੂੰ ਲੈਕੇ ਯੂਨਾਈਟਿਡ ਨੇਸ਼ਨਜ਼ ਸਿਕਿਓਰਟੀ ਕਾਊਂਸਲ (United Nations Security Council) ਦੇ ਵਿੱਚ ਕੈਨੇਡਾ ਦੀ ਟੈਂਪਰੇਰੀ ਸੀਟ ਵਾਸਤੇ ਲਾਈ ਗਈ ਬੋਲੀ ਲਈ ਸੈਨੇਗਲ ਦੇ ਸਮਰਥਨ ਲਈ ਇਛੁੱਕ ਹਨ ਅਤੇ ਰਾਸ਼ਟਰਪਤੀ ਮੈਕੀ ਸੱਲ ਨੇ ਉਨ੍ਹਾਂ ਨੂੰ ਵਿਸ਼ਵਾਸ ਦਵਾਇਆ ਹੈ ਕਿ ਇਸ ਵਿੱਚ ਕੈਨੇਡਾ ਦਾ ਸਮਰਥਨ ਕਰਨਗੇ।

ਔਰਤਾਂ ਪ੍ਰਤੀ ਹਿੰਸਾ ਸੈਨੇਗਲ ਦੇ ਵਿੱਚ ਇੱਕ ਸੰਜੀਦਾ ਮਸਲਾ ਹੈ ਅਤੇ ਬਲਾਤਕਾਰ ਨੂੰ ਪਿਛਲੇ ਮਹੀਨੇ ਹੀ ਕਾਨੂੰਨੀ ਤੌਰ ਤੇ ਅਪਰਾਧ ਕਰਾਰ ਦਿੱਤਾ ਗਿਆ ਹੈ। ਵੀਕੈਂਡ ਤੇ ਕੈਨੇਡਾ ਵਾਪਸ ਆਉਣ ਤੋਂ ਪਹਿਲਾਂ ਟਰੂਡੋ ਇਸ ਫੇਰੀ ਦੌਰਾਨ ਜਰਮਨੀ ਵੀ ਜਾਣਗੇ।