13.37C Vancouver 13.37C VancouverOct 21, 2020 3:41 PM -
ਇਸ ਪੱਤਝੜ 'ਚ ਫੈਡਰਲ ਇਲੈਕਸ਼ਨਸ ਨਹੀਂ ਹੋਣਗੇ।
ਕੰਜ਼ਰਵੇਟਿਵਸ ਦਾ ਲਿਬਰਲ ਸਰਕਾਰ ਵੱਲੋਂ ਕੋਵਿਡ-19 ਸੰਬੰਧੀ ਖਰਚੇ ਦੀ ਜਾਂਚ ਲਈ ਕਮੇਟੀ ਸਥਾਪਿਤ ਕਰਨ ਦਾ ਮਤਾ ਪਾਸ ਨਹੀਂ ਹੋਇਆ ਹੈ।
ਲਿਬਰਲਸ ਨੇ ਇਸ ਨੂੰ ਕਾਂਫੀਡੈਂਸ ਮੋਸ਼ਨ ਦਾ ਮਾਮਲਾ ਦੱਸਿਆ ਸੀ ਜਿਸ ਦੇ ਪਾਸ ਹੋਣ 'ਤੇ ਚੋਣਾਂ ਹੋ ਸਕਦੀਆਂ ਸਨ।
ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਫੈਡਰਲ ਲਿਬਰਲ ਮਾਈਨੌਰੀਟੀ ਸਰਕਾਰ ਨੇ ਕਾਂਫੀਡੈਂਸ ਵੋਟ 'ਚ ਬਾਜ਼ੀ ਮਾਰ ਲਈ ਹੈ।
ਇਸ ਦੇ ਨਾਲ ਹੀ ਦੇਸ਼ ਦੇ ਸਾਹਮਣੇ ਖੜੀ ਸਨੈਪ ਇਲੈਕਸ਼ਨ ਹੋਣ ਦੀ ਚੁਣੌਤੀ ਖਤਮ ਹੋ ਗਈ ਹੈ।
ਨਿਊ ਡੈਮੋਕ੍ਰੈਟਸ, ਗ੍ਰੀਨਸ ਅਤੇ ਇੰਡੀਪੈਂਡੈਂਟ ਐਮ.ਪੀਜ਼. ਨੇ ਲਿਬਰਲਸ ਦਾ ਪੱਖ ਲਿਆ ਅਤੇ ਲਿਬਰਲ ਭ੍ਰਿਸ਼ਟਾਚਾਰ ਸੰਬੰਧੀ ਜਾਂਚ ਕਰਨ ਵਾਲੀ ਕਮੇਟੀ ਬਣਾਉਣ ਦੇ ਮੋਸ਼ਨ ਨੂੰ ਪਾਸ ਨਹੀਂ ਕੀਤਾ ਗਿਆ।
ਵੋਟ ਦਾ ਫਾਈਨਲ ਨਤੀਜਾ 146 ਦੇ ਮੁਕਾਬਲੇ 180 ਵੋਟ ਦੇ ਨਾਲ ਲਿਬਰਲਸ ਦੇ ਪੱਖ 'ਚ ਰਿਹਾ।
ਇਸ ਸੰਦਰਭ 'ਚ ਗਵਰਨਮੈਂਟ ਹਾਊਸ ਲੀਡਰ ਪਾਬਲੋ ਰੋਡ੍ਰਿਗਜ਼ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕੀਤੀ ਹੈ।
