15.22C Vancouver 15.22C VancouverJul 27, 2023 12:23 AM - Connect FM
ਅੱਜ ਸਵੇਰੇ ਔਟਵਾ ਵਿਚ ਹੋਈ ਕੈਬਿਨੇਟ ਫੇਰਬਦਲ ਵਿਚ ਤਕਰੀਬਨ ਦੋ ਤਿਹਾਈ ਪੋਰਟਫੋਲੀਓ ਬਦਲੇ ਗਏ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੀ ਕੈਬਿਨੇਟ ਵਿਚ ਸੱਤ ਨਵੇਂ ਚਿਹਰੇ ਸ਼ਾਮਲ ਕੀਤੇ ਅਤੇ ਕੁਝ ਮਹਤਵਪੂਰਨ ਮੰਤਰੀਆਂ ਦੇ ਡਿਪਾਰਟਮੈਂਟ ਬਦਲੇ ਹਨ।
ਅਨੀਤਾ ਆਨੰਦ ਨੂੰ ਡਿਫੈਂਸ ਪੋਰਟਫੋਲੀਓ ਵਿਚੋਂ ਕੱਢ ਕੇ ਟ੍ਰੇਜ਼ਰੀ ਬੋਰਡ ਦਾ ਪ੍ਰਧਾਨ ਬਣਾਇਆ ਗਿਆ ਹੈ।
ਉਹਨਾਂ ਦੀ ਥਾਂ, ਬਿੱਲ ਬਲੇਅਰ ਮੁਲਕ ਦੇ ਨਵੇਂ ਡਿਫੈਂਸ ਮਨਿਸਟਰ ਹੋਣਗੇ।
ਉਹਨਾਂ ਕੋਲੋਂ ਐਮਰਜੰਸੀ ਪ੍ਰਪੇਰਡਨੈੱਸ ਮਿਸਨਟ੍ਰੀ ਲੈ ਲਈ ਗਈ ਹੈ।
ਡੋਮੀਨਿਕ ਲਬਲੈਂਕ ਨੂੰ ਪਬਲਿਕ ਸੇਫਟੀ ਮਨਿਸਟਰ ਅਤੇ ਕੈਬਿਨੇਟ ਵਿਚ ਨਵੇਂ ਸ਼ਾਮਲ ਹੋਏ ਆਰਿਫ਼ ਵੀਰਾਨੀ ਨੂੰ ਮਿਨਸਟਰ ਓਫ ਜਸਟਿਸ ਬਣਾਇਆ ਗਿਆ ਹੈ।
ਇਮੀਗ੍ਰੇਸ਼ਨ ਮਨਿਸਟਰ ਸ਼ੌਨ ਫਰੇਜ਼ਰ ਤੋਂ ਇਹ ਡਿਪਾਰਟਮੈਂਟ ਵਾਪਸ ਲੈਕੇ ਓਹਨਾ ਨੂੰ ਹਾਊਸਿੰਗ ਮਿਨਿਸਟ੍ਰੀ ਦੀ ਜਿੰਮੇਵਾਰੀ ਸੌਂਪੀ ਗਈ ਹੈ।
ਹਾਊਸਿੰਗ ਮਿਨਿਸਟ੍ਰੀ ਨੂੰ ਪਹਿਲਾ ਸੰਭਾਲ ਰਹੇ ਅਹਿਮਦ ਹੁਸੈਨ ਨੂੰ ਇੰਟਰਨੈਸ਼ਨਲ ਡਿਵੈਲਪਮੈਂਟ ਦਾ ਡਿਪਾਰਟਮੈਂਟ ਦੇ ਦਿੱਤਾ ਗਿਆ ਹੈ।
ਕਮਲ ਖੈੜਾ ਨੂੰ ਡਾਈਵਰ੍ਸਿਟੀ ਐਂਡ ਇੰਕਲੂਸ਼ਨ ਮਨਿਸਟਰ ਨਿਯੁਕਤ ਕੀਤਾ ਗਿਆ ਹੈ।
