ਕੰਜ਼ਰਵੇਟਿਵ ਦੇ ਬੇਭਰੋਸਗੀ ਮਤੇ 'ਤੇ ਵੋਟਿੰਗ ਅੱਜ, ਔਟਵਾ ਵਾਪਸ ਪਰਤੇ ਟਰੂਡੋ

ਕੈਨੇਡੀਅਨ ਐਮ.ਪੀਜ਼ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਘੱਟ ਗਿਣਤੀ ਸਰਕਾਰ ਨੂੰ ਡੇਗਣ ਦੀ ਕੋਸ਼ਿਸ਼ ਵਿਚ ਲਿਆਂਦੇ ਗਏ ਕੰਜ਼ਰਵੇਟਿਵ ਦੇ ਅਵਿਸ਼ਵਾਸ ਪ੍ਰਸਤਾਵ 'ਤੇ ਵੋਟ ਕਰਨਗੇ।

ਟਰੂਡੋ ਵੀ ਅਮਰੀਕਾ ਦੌਰੇ ਤੋਂ ਵਾਪਸ ਆ ਗਏ ਹਨ। ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਨੇ ਸਾਰੀਆਂ ਵਿਰੋਧੀ ਪਾਰਟੀਆਂ ਨੂੰ ਇਸ ਮਤੇ ਦਾ ਸਮਰਥਨ ਕਰਨ ਦੀ ਬੇਨਤੀ ਕੀਤੀ ਹੈ ਪਰ ਐੱਨ. ਡੀ. ਪੀ. ਅਤੇ ਬਲਾਕ ਕਿਊਬੇਕੋਇਸ ਨੇ ਹਾਊਸ ਔਫ ਕੌਮਨਜ਼ ਵਿਚ ਪ੍ਰਾਸ਼ਨ ਕਾਲ ਤੋਂ ਬਾਅਦ ਹੋਣ ਵਾਲੀ ਵੋਟਿੰਗ ਵਿਚ ਇਸ ਮਤੇ ਦੇ ਖਿਲਾਫ ਵੋਟ ਪਾਉਣ ਦੀ ਗੱਲ ਆਖੀ ਹੈ, ਯਾਨੀ ਕੰਜ਼ਰਵੇਟਿਵ ਦੇ ਮਤੇ ਦੀ ਹਾਰ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਜੇ ਬੇਭਰੋਸਗੀ ਮਤਾ ਪਾਸ ਹੋ ਜਾਂਦਾ ਹੈ ਤਾਂ ਸਰਕਾਰ ਡਿੱਗ ਜਾਵੇਗੀ, ਜਿਸ ਨਾਲ ਕੈਨੇਡੀਅਨ ਨੂੰ ਜਲਦ ਇਲੈਕਸ਼ਨ ਵਿਚ ਜਾਣਾ ਪਵੇਗਾ।

ਬਲਾਕ ਕਿਊਬੇਕੋਇਸ ਦਾ ਕਹਿਣਾ ਹੈ ਕਿ ਉਹ ਲਿਬਰਲਸ ਦੀ ਘੱਟ ਗਿਣਤੀ ਸਰਕਾਰ ਨੂੰ ਫਿਲਹਾਲ ਲਈ ਇੱਕ ਮੌਕਾ ਦੇਣਾ ਚਾਹੁੰਦੀ ਹੈ, ਇਸ ਤੋਂ ਬਾਅਦ ਬਲਾਕ ਕੁਝ ਮੰਗਾਂ ਨੂੰ ਲੈ ਕੇ ਲਿਬਰਲਸ ਨਾਲ ਗੱਲਬਾਤ ਕਰੇਗੀ ਅਤੇ ਬਲਾਕ ਕਿਊਬੇਕੋਇਸ ਦਾ ਅੱਗੇ ਦਾ ਸਮਰਥਨ ਉਨ੍ਹਾਂ ਮੰਗਾਂ ਦੇ ਆਧਾਰ 'ਤੇ ਹੀ ਹੋਵੇਗਾ।