17.45C Vancouver 17.45C VancouverNov 30, 2022 10:37 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਐਲਬਰਟਾ ਨਾਲ ਕਿਸੇ ਪ੍ਰਕਾਰ ਦਾ ਝਗੜਾ ਨਹੀਂ ਕਰਨਾ ਚਾਹੁੰਦੇ ਪਰ ਨਾਲ ਹੀ ਉਨ੍ਹਾਂ ਕਿਹਾ ਕਿ 'ਨਥਿੰਗ ਇਜ ਆਫ ਦ ਟੇਬਲ' ਯਾਨੀ ਕਿ ਫੈਡਰਲ ਸਰਕਾਰ ਕਈ ਵਿਕਲਪਾਂ 'ਤੇ ਵਿਚਾਰ ਕਰਨ ਨੂੰ ਤਿਆਰ ਹੈ।
ਉਨ੍ਹਾਂ ਇਹ ਟਿੱਪਣੀ ਐਲਬਰਟਾ ਦੀ ਡੈਨੀਅਲ ਸਮਿਥ ਸਰਕਾਰ ਦੇ "ਐਲਬਰਟਾ ਸੌਵਰੈਨਿਟੀ ਵਿਦ ਅ ਯੂਨਾਈਟਿਡ ਕੈਨੇਡਾ ਐਕਟ" ਦੇ ਮਤੇ ਸੰਬੰਧੀ ਕੀਤੀ ਹੈ।
ਸੂਬੇ ਦੀ ਨਵੀਂ ਪ੍ਰੀਮਿਅਰ ਡੈਨੀਅਲ ਸਮਿਥ ਨੇ ਇਹ ਐਕਟ ਮੰਗਲਵਾਰ ਨੂੰ ਪੇਸ਼ ਕੀਤਾ ਸੀ ਜਿਸ ਨਾਲ ਉਨ੍ਹਾਂ ਦੀ ਸਰਕਾਰ ਨੂੰ ਫੈਡਰਲ ਸਰਕਾਰ ਦੇ ਕਈ ਨਿਰਦੇਸ਼ਾਂ ਨੂੰ ਬਾਈਪਾਸ ਕਰਨ ਦੀ ਤਾਕਤ ਮਿਲ ਸਕਦੀ ਹੈ।
ਟਰੂਡੋ ਨੇ ਕਿਹਾ ਕਿ ਇਸ ਨਵੇਂ ਕਨੂੰਨ 'ਤੇ ਐਲਬਰਟਾ ਦੇ ਅੰਦਰ ਹੀ ਕਈ ਸਵਾਲ ਉੱਠਣ ਲੱਗੇ ਹਨ।
ਇਸ ਬਿੱਲ ਨਾਲ ਸਮਿਥ ਦੇ ਕੈਬਿਨੇਟ ਨੂੰ ਤਾਕਤ ਮਿਲਦੀ ਹੈ ਕਿ ਪ੍ਰੋਵਿੰਸ਼ੀਅਲ ਕਨੂੰਨਾਂ ਨੂੰ ਮੁੜ ਲਿਖਿਆ ਜਾ ਸਕੇ ਅਤੇ ਇਸ ਦੇ ਲਈ ਲੈਜਿਸਲੇਟਿਵ ਬਹਿਸ ਵੀ ਜ਼ਰੂਰੀ ਨਹੀਂ ਹੋਵੇਗੀ।
ਡੈਨੀਅਲ ਸਮਿਥ ਦਾ ਕਹਿਣਾ ਹੈ ਕਿ ਇਹ ਢੰਗ ਔਟਵਾ ਦੀ ਵੱਧਦੀ ਦਖਲਅੰਦਾਜੀ ਨੂੰ ਰੋਕਣ ਲਈ ਵਰਤਿਆ ਜਾ ਰਿਹਾ ਹੈ।
