20.61C Vancouver 20.61C VancouverAug 11, 2020 7:28 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਫਾਇਨੈਂਸ ਮਿਨਿਸਟਰ ਬਿਲ ਮੌਰਨਓ ਉੱਤੇ ਪੂਰਾ ਭਰੋਸਾ ਹੈ ਅਤੇ ਇਸ ਖਿਲਾਫ਼ ਜੋ ਵੀ ਰਿਪੋਰਟਾਂ ਨੇ, ਉਹ ਝੂਠੀਆਂ ਹਨ।
ਫਾਇਨੈਂਸ ਮਿਨਿਸਟਰ ਨੂੰ ਕਥਿਤ ਤੌਰ 'ਤੇ ਅਹੁਦੇ 'ਤੋਂ ਹਟਾਉਣ ਦੀ ਚਰਚਾਵਾਂ ਤੋਂ ਬਾਅਦ ਟਰੂਡੋ ਦੇ ਦਫ਼ਤਰ ਵੱਲੋਂ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ। ਬਿਲ ਮੌਲਨਓ ਦੇ ਸਹਿਯੋਗ ਵਿਚ ਚੁੱਕਿਆ ਗਿਆ ਇਹ ਕਦਮ ਆਮ ਨਹੀਂ ਸੀ।
'ਵੀ ਚੈਰਿਟੀ' ਵਿਵਾਦ ਵਿਚ ਨਿੱਜੀ ਫਾਇਦਿਆਂ ਦੇ ਇਲਜ਼ਾਮਾਂ ਦੇ ਚਲਦਿਆਂ ਵਿਰੋਧੀ ਪਾਰਟੀਆਂ ਵੱਲੋਂ ਲਗਾਤਾਰ ਬਿਲ ਮੌਰਨਓ ਦੇ ਅਸਤੀਫ਼ੇ ਦੀ ਮੰਗ ਕੀਤੀ ਜਾ ਰਹੀ ਹੈ।
ਕੁਝ ਇਸ ਤਰ੍ਹਾਂ ਦੀਆਂ ਖਬਰਾਂ ਵੀ ਆ ਰਹੀਆਂ ਸਨ ਕਿ ਦੇਸ਼ ਨੂੰ ਵਿੱਤੀ ਸੰਕਟ ਵਿਚੋਂ ਬਾਹਰ ਲੈਕੇ ਆਉਣ ਲਈ ਇਸ ਵੇਲੇ ਪੀ.ਐਮ. ਟਰੂਡੋ ਨੂੰ ਮਾਰਕ ਕਾਰਨੇ ਦੁਆਰਾ ਗੈਰ-ਰਸਮੀ ਸਲਾਹਾਂ ਦਿੱਤੀਆਂ ਜਾ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਮਾਰਕ ਕਾਰਨੇ ਬੈਂਕ ਔਫ਼ ਕੈਨੇਡਾ ਅਤੇ ਬੈਂਕ ਔਫ਼ ਇੰਗਲੈਂਡ ਦੇ ਸਾਬਕਾ ਗਵਰਨਰ ਰਹਿ ਚੁੱਕੇ ਹਨ।
ਜਾਰੀ ਕੀਤੇ ਗਏ ਬਿਆਨ ਵਿਚ ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਨੇ ਮੌਰਨਓ ਦੇ ਰਿਕਾਰਡ ਦੀ ਤਾਰੀਫ਼ ਕੀਤੀ ਹੈ। ਲਿਖਿਆ ਗਿਆ ਹੈ ਕਿ ਐਮਰਜੈਂਸੀ ਏਡ ਪ੍ਰੋਗਰਾਮਾਂ ਰਾਹੀਂ ਸਭ ਦੀ ਸਹਾਇਤਾ ਕਰਨ ਵਿਚ ਉਨ੍ਹਾਂ ਨੇ ਮੋਹਰੀ ਭੁਮੀਕਾ ਨਿਭਾਈ ਹੈ।
ਬਿਆਨ ਮੁਤਾਬਕ ਮੌਰਨਓ ਅਤੇ ਹੋਰ ਮਿਨਿਸਟਰ ਆਪਣਾ ਕੰਮ ਕਰਦੇ ਰਹਿਣਗੇ, ਜਿਸ 'ਤੇ ਲੋਕਾਂ ਨੂੰ ਭਰੋਸਾ ਹੈ ਕੇ ਉਨ੍ਹਾਂ ਨੂੰ ਪੈਂਡੇਮਿਕ ਦੀ ਸਥਿਤੀ ਤੋਂ ਬਾਹਰ ਕੱਢੇਗਾ।
