18.02C Vancouver 18.02C VancouverMar 21, 2022 10:03 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇਸ ਹਫ਼ਤੇ ਬ੍ਰਸਲਸ ਦਾ ਦੌਰਾ ਕਰਨ ਜਾ ਰਹੇ ਹਨ।
ਇਸ ਮੌਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਯੂਰੋਪੀਅਨ ਪਾਰਲੀਅਮੈਂਟ ਨੂੰ ਸੰਬੋਧਤ ਕਰਨਗੇ।
ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਟਰੂਡੋ ਦੀ ਨੈਟੋ ਅਤੇ ਹੋਰ ਜੀ-7 ਲੀਡਰਾਂ ਨਾਲ ਬੈਠਕ ਹੋਵੇਗੀ।
ਇਸ ਮੌਕੇ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤੇ ਜਾ ਰਹੇ ਹਮਲੇ ਸੰਬੰਧੀ ਗੱਲਬਾਤ ਹੋਵੇਗੀ।
ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਵੱਲੋਂ ਇਸ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।
ਟਰੂਡੋ ਬੁੱਧਵਾਰ ਨੂੰ ਬ੍ਰਸਲਸ ਪਹੁੰਚ ਰਹੇ ਹਨ।
ਉਹ ਆਪਣੇ ਭਾਸ਼ਣ 'ਚ ਨੌਰਥ ਅਮਰੀਕਾ ਨਾਲ ਰਿਸ਼ਤਿਆਂ 'ਤੇ ਜ਼ੋਰ ਦੇਣਗੇ ਅਤੇ ਦੋਵਾਂ ਮਹਾਂਦੀਪਾਂ ਦੇ ਇਕੱਠਿਆਂ ਮਿਲ ਕੇ ਡੈਮੋਕਰੇਸੀ ਨੂੰ ਬਚਾਉਣ ਲਈ ਕੰਮ ਕਰਨ ਦੀ ਗੱਲ ਕਰਨਗੇ।
ਇਸ ਤੋਂ ਬਾਅਦ ਵੀਰਵਾਰ ਨੂੰ ਟਰੂਡੋ ਦੀ ਬਾਕੀ ਨੈਟੋ ਮੈਂਬਰਾਂ ਨਾਲ ਬੈਠਕ ਹੋਵੇਗੀ।
ਸ਼ੁੱਕਰਵਾਰ ਨੂੰ ਕੈਨੇਡਾ ਵਾਪਿਸ ਪਰਤਣ ਤੋਂ ਪਹਿਲਾਂ ਟਰੂਡੋ ਦੀ ਜੀ-7 ਲੀਡਰਾਂ ਨਾਲ ਵੀ ਬੈਠਕ ਹੋਵੇਗੀ।
ਯਾਦ ਰਹੇ ਟਰੂਡੋ ਨੇ ਕਰੀਬ 2 ਹਫ਼ਤੇ ਪਹਿਲਾਂ ਹੀ ਲੰਡਨ, ਬਰਲਿਨ, ਵਾਰਸਾਅ ਅਤੇ ਪੋਲੈਂਡ ਦਾ ਦੌਰਾ ਕੀਤਾ ਸੀ।
