15.97C Vancouver 15.97C VancouverDec 19, 2024 5:53 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਸ਼ੁੱਕਰਵਾਰ ਨੂੰ ਆਪਣੀ ਕੈਬਨਿਟ ਵਿਚ ਫੇਰਬਦਲ ਕਰਨਗੇ, ਸੂਤਰਾਂ ਨੇ ਇਹ ਪੁਸ਼ਟੀ ਕੀਤੀ ਹੈ। ਹਾਲਾਂਕਿ, ਫੇਰਬਦਲ ਕਿੰਨਾ ਵੱਡਾ ਹੋਵੇਗਾ ਇਹ ਨਹੀਂ ਕਿਹਾ ਜਾ ਸਕਦਾ ਪਰ ਹਾਲ ਹੀ ਦੇ ਮਹੀਨਿਆਂ ਵਿਚ ਕਈ ਮੰਤਰੀਆਂ ਨੇ ਜਾਂ ਤਾਂ ਕੈਬਨਿਟ ਅਹੁਦੇ ਛੱਡੇ ਹਨ ਜਾਂ ਫਿਰ ਉਨ੍ਹਾਂ ਨੇ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕੀਤੀ ਹੈ, ਅਜਿਹੇ ਵਿਚ ਕਈ ਮੰਤਰੀਆਂ ਕੋਲ ਦੋਹਰੀ ਜ਼ਿੰਮੇਵਾਰੀ ਹੈ।
ਟਰੂਡੋ ਮੰਤਰੀ ਮੰਡਲ ਵਿਚ ਤਾਜ਼ਾ ਬਦਲਾਅ ਕ੍ਰਿਸਟੀਆ ਫ੍ਰੀਲੈਂਡ ਦੇ ਅਚਾਨਕ ਅਸਤੀਫੇ ਤੋਂ ਬਾਅਦ ਹੋ ਰਿਹਾ ਹੈ, ਉਨ੍ਹਾਂ ਦਾ ਵਿੱਤ ਮੰਤਰਾਲਾ ਇਸ ਸਮੇਂ ਡੋਮਿਨਿਕ ਲੇਬਲੈਂਕ ਦੇਖ ਰਹੇ ਹਨ, ਜਿਨ੍ਹਾਂ ਕੋਲ ਪਬਲਿਕ ਸੇਫਟੀ ਮੰਤਰਾਲਾ ਦੀ ਵੀ ਜ਼ਿੰਮੇਵਾਰੀ ਹੈ।
ਹੋ ਸਕਦਾ ਹੈ ਕਿ ਪਬਲਿਕ ਸੇਫਟੀ ਮਿਨਿਸਟਰ ਕਿਸੇ ਹੋਰ ਐਮ.ਪੀ ਨੂੰ ਬਣਾਇਆ ਜਾਵੇ। ਉਥੇ ਹੀ, ਸੌਨ ਫਰੇਜ਼ਰ ਦੀ ਹਾਊਸਿੰਗ ਮਿਨਿਸਟਰੀ ਵੀ ਹੋਰ ਕਿਸੇ ਨੂੰ ਦਿੱਤੇ ਜਾਣ ਦੀ ਉਮੀਦ ਹੈ ਕਿਉਂਕਿ ਉਨ੍ਹਾਂ ਨੇ ਵੀ ਹਾਲ ਹੀ ਵਿਚ ਅਗਲੀਆਂ ਚੋਣਾਂ ਨਾ ਲੜਨ ਦੀ ਘੋਸ਼ਣਾ ਕੀਤੀ ਹੈ।
ਸੂਤਰਾਂ ਮੁਤਾਬਕ, ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਭਲਕੇ ਰਾਈਡਿਊ ਹਾਲ ਵਿਖੇ ਨਵੇਂ ਮੰਤਰੀਆਂ ਨੂੰ ਸੱਦਾ ਦੇਣਗੇ।
