20.38C Vancouver 20.38C VancouverOct 23, 2020 5:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸ਼ੁੱਕਰਵਾਰ ਨੂੰ ਕਨੇਡੀਅਨ ਲੋਕਾਂ ਨੂੰ ਕੋਰੋਨਾ ਵਾਇਰਸ ਸੰਬੰਧੀ, ਵੈਕਸੀਨ ਦੀ ਕੁਝ ਆਸ ਜਗਾਈ ਹੈ।
ਬੀਤੇ ਕੱਲ ਦੇਸ਼ 'ਚ ਪੈਂਡੇਮਿਕ ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਦੇ ਸਭ ਤੋਂ ਵੱਧ ਮਾਮਲੇ ਰਿਪੋਰਟ ਹੋਏ ਸਨ।
ਅੱਜ ਟਰੂਡੋ ਨੇ ਕਿਹਾ ਕਿ ਸਰਕਾਰ, ਕੋਵਿਡ-19 ਵੈਕਸੀਨਸ ਨੂੰ ਬਣਾਉਣ 'ਤੇ 214 ਮਿਲੀਅਨ ਡਾਲਰ ਖਰਚੇ ਜਾ ਰਹੇ ਹਨ।
ਇਸ ਦੇ ਵਿੱਚ ਕਿਊਬੈਕ ਦੇ ਮੈਡੀਕਾਗੋ ਅਤੇ ਬੀ.ਸੀ. 'ਚ ਵੈਨਕੂਵਰ ਦੇ ਪ੍ਰਿਸੀਯਨ ਨੈਨੋਸਿਸਟਮਸ ਸ਼ਾਮਿਲ ਹਨ, ਜੋ ਕਿ ਵੈਕਸੀਨ ਬਣਾਉਣ 'ਤੇ ਕੰਮ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਮੈਡੀਕਾਗੋ ਨਾਲ 76 ਮਿਲੀਅਨ ਡੋਜ਼ ਤੱਕ ਦੀ ਡਿਲੀਵਰੀ ਕਰਵਾਉਣ ਦਾ ਕਰਾਰ ਵੀ ਹੋਇਆ ਹੈ।
ਹਾਲਾਂਕਿ ਇਹ ਉਸੇ ਵੇਲੇ ਮੁਮਕਿਨ ਹੋ ਸਕਦਾ ਹੈ, ਜਦ ਇਹ ਵੈਕਸੀਨਸ ਸਿਹਤ ਅਤੇ ਸੁਰੱਖਿਆ ਦੇ ਪੈਮਾਨੇ 'ਤੇ ਖਰੀਆਂ ਉੱਤਰ ਪਾਉਣਗੀਆਂ।
ਜਾਣਕਾਰੀ ਦਿੱਤੀ ਗਈ ਕਿ ਦੋ ਅਮਰੀਕੀ ਵੈਕਸੀਨ ਬਣਾਉਣ ਵਾਲੀਆਂ ਕੰਪਨੀਆਂ, ਮੌਡਰਨਾ ਅਤੇ ਫਾਈਜ਼ਰ ਨੇ ਵੀ ਹੈਲਥ ਕੈਨੇਡਾ ਤੱਕ ਪਹੁੰਚ ਕੀਤੀ ਹੈ, ਤਾਂ ਜੋ ਉਨ੍ਹਾਂ ਦੀ ਵੈਕਸੀਨ ਦੇ ਕਲੀਨੀਕਲ ਟ੍ਰਾਇਲ ਕੀਤੇ ਜਾ ਸਕਣ।
ਹਾਲਾਂਕਿ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦਾ ਇਹ ਅਨੁਮਾਨ ਨਹੀਂ ਹੈ ਕਿ ਇਸੇ ਸਾਲ, ਜਾਂ 2021 ਦੀ ਸ਼ੁਰੂਆਤ ਤੱਕ ਵੈਕਸੀਨ ਉਪਲਬਧ ਹੋ ਸਕੇਗੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਕੈਨੇਡਾ ਨੇ ਸੈਂਕੜੇ ਹਜ਼ਾਰ ਰੈਪਿਡ ਟੈਸਟ ਕਿੱਟ ਹਾਸਿਲ ਕੀਤੇ ਹਨ।
ਉਨ੍ਹਾਂ ਦੱਸਿਆ ਕਿ ਐਬੌਟ ਨਾਮ ਦੀ ਕੰਪਨੀ ਨੇ ਸੂਬਿਆਂ ਅਤੇ ਟੈਰੀਟੋਰੀਜ਼ ਤੱਕ ਵੱਡੀ ਗਿਣਤੀ 'ਚ ਰੈਪਿਡ ਟੈਸਟ ਕਿੱਟਾਂ ਪਹੁੰਚਾਈਆਂ ਹਨ।
