15.29C Vancouver 15.29C VancouverJun 5, 2024 2:46 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ 80ਵੀਂ ਵਰ੍ਹੇਗੰਢ ਦੇ ਮੌਕੇ ਫਰਾਂਸ ਦੇ ਨੌਰਮੈਂਡੀ ਜਾ ਰਹੇ ਹਨ। ਡੀ-ਡੇਅ ਦੂਜੇ ਵਿਸ਼ਵ ਯੁੱਧ ਦੇ ਸਭ ਤੋਂ ਵੱਡੇ ਅਤੇ ਇਤਿਹਾਸਕ ਫੌਜੀ ਓਪਰੇਸ਼ਨਸ ਵਿਚੋਂ ਇੱਕ ਸੀ, ਜਿਸ ਨੇ ਦੂਜੇ ਵਿਸ਼ਵ ਯੁੱਧ ਦੇ ਖਾਤਮੇ ਦੀ ਨੀਂਹ ਰੱਖੀ। 6 ਜੂਨ, 1944 ਨੂੰ ਅਮਰੀਕਾ, ਬ੍ਰਿਟੇਨ, ਕੈਨੇਡਾ, ਫਰੀ ਫੈਂਚ ਫੋਰਸਿਜ਼ ਦੇ ਲਗਭਗ 160,000 ਸੈਨਿਕ ਉੱਤਰੀ ਫਰਾਂਸ ਦੇ ਨੌਰਮੈਂਡੀ ਸ਼ਹਿਰ ਦੇ ਇਲਾਕੇ ਵਿਚ ਸਮੁੰਦਰ ਦੇ ਰਸਤੇ ਦਾਖ਼ਲ ਹੋਏ। ਇਹ ਇਲਾਕਾ ਨਾਜ਼ੀ ਫੌਜਾਂ ਦੇ ਕਬਜ਼ੇ ਵਿਚ ਸੀ। ਉਸ ਦਿਨ ਮਿੱਤਰ ਦੇਸ਼ਾਂ ਦੇ 4,414 ਸੈਨਿਕ ਮਾਰੇ ਗਏ, ਜਿਨ੍ਹਾਂ ਵਿਚ 381 ਕੈਨੇਡੀਅਨ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੀਰਵਾਰ ਨੂੰ ਪਹਿਲਾਂ ਜੂਨੋ ਬੀਚ ’ਤੇ ਕੈਨੇਡੀਅਨ ਸੈਰੇਮਨੀ ਵਿਚ ਸ਼ਾਮਲ ਹੋਣਗੇ ਅਤੇ ਫਿਰ ਓਮਾਹਾ ਬੀਚ ਨੇੜੇ ਇੰਟਰਨੈਸ਼ਨਲ ਸੈਰੇਮਨੀ ਵਿਚ ਹਿੱਸਾ ਲੈਣਗੇ। ਇਹ ਫਰਾਂਸ ਦੇ ਉਹੀ ਬੀਚ ਸਨ ਜੋ ਨਾਜ਼ੀ ਦੇ ਕਬਜ਼ੇ ਵਿਚੋਂ ਛਡਾਏ ਗਏ ਸਨ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਇਨ੍ਹਾਂ ਸਮਾਰੋਹ ਵਿਚ ਹਿੱਸਾ ਲੈਣ ਲਈ ਦੂਜੇ ਵਿਸ਼ਵ ਯੁੱਧ ਦੇ 13 ਸਾਬਕਾ ਸੈਨਿਕ ਵੀ ਸ਼ਾਮਲ ਹਨ,ਜਿਨ੍ਹਾਂ ਵਿਚੋਂ ਸਭ ਤੋਂ ਬਜ਼ੁਰਗ ਦੀ ਉਮਰ 104 ਸਾਲ ਹੈ।
ਜੂਨੋ ਬੀਚ ਸੈਂਟਰ ਦੀ ਕਾਰਜਕਾਰੀ ਨਿਰਦੇਸ਼ਕ ਦਾ ਕਹਿਣਾ ਹੈ ਕਿ ਬੀਚ ਦੇ ਆਸਪਾਸ ਦੇ ਪਿੰਡਾਂ ਵਿਚ ਕੈਨੇਡੀਅਨ ਝੰਡੇ ਲਹਿਰਾਏ ਗਏ ਹਨ ਅਤੇ ਇਲਾਕੇ ਦੇ ਲੋਕ ਕੈਨੇਡੀਅਨ ਫੌਜਾਂ ਦੀ ਕੁਰਬਾਨੀ ਨਹੀਂ ਭੁੱਲੇ ਹਨ। ਡੀ-ਡੇਅ ਸਮਾਰੋਹ ਵਿਚ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਡੀਮੀਰ ਜ਼ੇਲੇਨਸਕੀ ਅਤੇ ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਵੀ ਸ਼ਾਮਲ ਹੋਣਗੇ।
