20.38C Vancouver 20.38C VancouverJan 21, 2021 4:12 PM -
ਵ੍ਹਾਈਟ ਹਾਊਸ ਮੁਤਾਬਕ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਮਰੀਕਾ ਦੇ ਨਵੇਂ ਰਾਸ਼ਟਰਪਤੀ ਜੋ ਬਾਈਡਨ ਨਾਲ ਸ਼ੁੱਕਰਵਾਰ ਨੂੰ ਗੱਲਬਾਤ ਕਰਨਗੇ।
ਪ੍ਰੈਸ ਸਕੱਤਰ ਜੈਨ ਪੀਸੈਕੀ ਮੁਤਾਬਕ ਸਹੁੰ ਚੁੱਕਣ ਦੇ ਸਮਾਗਮ ਤੋਂ ਬਾਅਦ ਟਰੂਡੋ ਪਹਿਲੇ ਵਿਦੇਸ਼ੀ ਲੀਡਰ ਹਨ ਜਿਨ੍ਹਾਂ ਨਾਲ ਬਾਈਡਨ ਗੱਲਬਾਤ ਕਰਨਗੇ।
ਜ਼ਿਕਰਯੋਗ ਹੈ ਕਿ ਆਪਣੇ ਇਨਾਉਗੁਰੇਸ਼ਨ ਸਮਾਗਮ ਤੋਂ ਕੁਝ ਘੰਟੇ ਬਾਅਦ ਹੀ ਬਾਈਡਨ ਨੇ ਕੀਸਟੋਨ ਐਕਸ.ਐਲ. ਪਾਈਪਲਾਈਨ ਦੇ ਵਿਸਥਾਰ ਨੂੰ ਰੱਦ ਕਰਨ ਦੇ ਹੁਕਮ ਤੇ ਦਸਤਖ਼ਤ ਕਰ ਦਿੱਤੇ ਸਨ।
ਟਰੂਡੋ ਨੇ ਇਸ ਸੰਬੰਧ ਵਿਚ ਕਿਹਾ ਕਿ ਓਹ ਇਸ ਫ਼ੈਸਲੇ ਤੋਂ ਨਿਰਾਸ਼ ਹਨ ਪਰ ਬਾਈਡਨ ਦੀ ਕਲਾਈਮੇਟ ਚੇਂਜ ਸੰਬੰਧੀ ਵਚਨਬੱਧਤਾ ਦੀ ਉਹ ਇੱਜ਼ਤ ਕਰਦੇ ਹਨ।
ਟਰੂਡੋ ਨੇ ਵਿਸ਼ਵਾਸ ਦਿਵਾਇਆ ਕਿ ਐਲਬਰਟਾ, ਸਸਕੈਚਵਾਨ ਅਤੇ ਕੈਨੇਡਾ ਭਰ ਦੇ ਮੁਲਾਜ਼ਮਾਂ ਨੂੰ ਫੈਡਰਲ ਸਰਕਾਰ ਦਾ ਸਹਿਯੋਗ ਮੌਜੂਦ ਹੈ।
ਟਰੂਡੋ ਨੇ ਬਾਈਡਨ ਦੇ ਪਹਿਲੇ ਦਿਨ ਦੇ ਕੁਝ ਫੈਸਲਿਆਂ ਦੀ ਸ਼ਲਾਘਾ ਕੀਤੀ, ਜਿਸ ਵਿੱਚ ‘ਪੈਰਿਸ ਕਲਾਈਮੇਟ ਅਕੋਰਡ’ ਵਿੱਚ ਮੁੜ ਸ਼ਾਮਲ ਹੋਣਾ, ਆਰਕਟਿਕ ਵਿੱਚ ਤੇਲ ਅਤੇ ਗੈਸ ਦੀ ਡ੍ਰਿਲਿੰਗ ਨੂੰ ਰੋਕਣਾ ਅਤੇ ਵਿਸ਼ਵ ਸਿਹਤ ਸੰਗਠਨ ਨਾਲ ਸਬੰਧਾਂ ਨੂੰ ਨਵੀਨ ਕਰਨਾ ਸ਼ਾਮਲ ਹੈ।
