14.23C Vancouver 14.23C VancouverOct 18, 2023 7:01 PM - The Canadian Press
ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਅਲਬਰਟਾ ਨੂੰ ਕੈਨੇਡਾ ਪੈਨਸ਼ਨ ਯੋਜਨਾ ਵਿੱਚੋਂ ਕੱਢਣ ਦੇ ਪ੍ਰਸਤਾਵਿਤ ਪਲੈਨ 'ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਡੂੰਘੀ ਚਿੰਤਾ ਜਤਾਈ ਹੈ।
ਬੁੱਧਵਾਰ ਨੂੰ ਪ੍ਰੀਮੀਅਰ ਨੂੰ ਲਿਖੇ ਇੱਕ ਖੁੱਲੇ ਪੱਤਰ ਵਿੱਚ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਕੈਬਨਿਟ ਅਤੇ ਅਧਿਕਾਰੀਆਂ ਨੂੰ ਸੀ. ਪੀ. ਪੀ. ਨੂੰ ਬਰਕਰਾਰ ਰੱਖਣ ਲਈ ਹਰ ਸੰਭਵ ਕੋਸ਼ਿਸ਼ ਕਰਨ ਲਈ ਨਿਰਦੇਸ਼ ਦਿੱਤੇ ਹਨ।
ਟਰੂਡੋ ਨੇ ਚਿਤਾਵਨੀ ਦਿੱਤੀ ਕਿ ਅਲਬਰਟਾ ਦੇ ਬਾਹਰ ਨਿਕਲਣ ਨਾਲ ਲੱਖਾਂ ਕੈਨੇਡੀਅਨਜ਼ ਨੂੰ ਵਧੇਰੇ ਅਸਥਿਰਤਾ ਦਾ ਸਾਹਮਣਾ ਕਰਨਾ ਪਵੇਗਾ।
ਗੌਰਤਲਬ ਹੈ ਕਿ ਸਮਿਥ ਨੇ ਪਿਛਲੇ ਮਹੀਨੇ ਸੂਬੇ ਨੂੰ ਕੈਨੇਡਾ ਪੈਨਸ਼ਨ ਯੋਜਨਾ ਵਿਚੋਂ ਬਾਹਰ ਕੱਢਣ ਦਾ ਲਾਭ ਦੱਸਦਿਆਂ ਕਿਹਾ ਕਿ ਸੀ ਕਿ ਇਸ ਨਾਲ ਸੂਬੇ ਕੋਲ ਆਪਣਾ ਰਿਟਾਇਰਮੈਂਟ ਫੰਡ ਹੋਵੇਗਾ ਅਤੇ ਅਲਬਰਟਨਸ ਨੂੰ ਘੱਟ ਯੋਗਦਾਨ 'ਤੇ ਹਾਈ ਰਿਟਰਨ ਮਿਲੇਗਾ।
ਇੱਕ ਰਿਪੋਰਟ ਜਾਰੀ ਕਰਦੇ ਹੋਏ ਉਹਨਾਂ ਕਿਹਾ ਸੀ ਕਿ ਸੂਬਾ ਸੀ. ਪੀ. ਪੀ. ਦੇ ਅੱਧ ਤੋਂ ਵੱਧ ਸੰਪਤੀਆਂ ਦਾ ਹੱਕਦਾਰ ਹੈ।
ਹਾਲਾਂਕਿ, ਪ੍ਰੀਮੀਅਰ ਦੀ ਇਹ ਯੋਜਨਾ ਵਿਵਾਦ ਖੜ੍ਹਾ ਕਰ ਰਹੀ ਹੈ ਅਤੇ ਕੁਝ ਮਾਹਰਾਂ ਨੇ ਇਸ ਦੀ ਆਲੋਚਨਾ ਕੀਤੀ ਹੈ।
ਮੰਗਲਵਾਰ ਕੈਨੇਡਾ ਪੈਨਸ਼ਨ ਪਲਾਨ ਬੋਰਡ ਨੇ ਵੀ ਅਲਬਰਟਾ ਵਲੋਂ ਲੋਕਾਂ ਨਾਲ ਸਲਾਹ-ਮਸ਼ਵਰਾ ਕਰਨਾ ਪੱਖਪਾਤੀ ਦੱਸਿਆ ਸੀ।
ਸੀ. ਪੀ. ਪੀ. ਬੋਰਡ ਦਾ ਮੰਨਣਾ ਹੈ ਕਿ ਸੂਬਾ ਸਰਕਾਰ ਲੋਕਾਂ ਤੋਂ ਪਾਰਦਰਸ਼ੀ ਢੰਗ ਨਾਲ ਰਾਏ ਨਹੀਂ ਲੈ ਰਹੀ।
ਇਸੇ ਦਰਮਿਆਨ ਅਬੈਕਸ ਡੇਟਾ ਦੀ ਪੋਲ ਵਿੱਚ ਦੇਖਣ ਨੂੰ ਮਿਲਿਆ ਕਿ ਵਧੇਰੇ ਨਿਵਾਸੀ ਇਸ ਵਿਚਾਰ ਨੂੰ ਸਹੀ ਨਹੀਂ ਸਮਝਦੇ।
ਟਰੂਡੋ ਦਾ ਕਹਿਣਾ ਹੈ ਕਿ ਅਲਬਰਟਾ ਦੇ ਬਾਹਰ ਹੋਣ ਨਾਲ ਸੂਬੇ ਸਮੇਤ ਮੁਲਕ ਭਰ ਦੇ ਲੱਖਾਂ ਬਜ਼ੁਰਗਾਂ ਅਤੇ ਮਿਹਨਤੀ ਲੋਕਾਂ ਦੀਆਂ ਪੈਨਸ਼ਨ ਪ੍ਰਭਾਵਿਤ ਹੋਣਗੀਆਂ।
