16.18C Vancouver 16.18C VancouverSep 4, 2024 6:42 PM - Connect Newsroom
ਐੱਨ.ਡੀ.ਪੀ. ਵਲੋਂ ਸਮਰਥਨ ਵਾਪਸ ਲਏ ਜਾਣ ਮਗਰੋਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪਹਿਲੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਨਿਊਫਾਊਂਡਲੈਂਡ ਵਿਚ ਪੱਤਰਕਾਰਾਂ ਵਲੋਂ ਇਲੈਕਸ਼ਨਸ ਦੀ ਸੰਭਾਵਨਾ ਬਾਰੇ ਪੁੱਛੇ ਜਾਣ ’ਤੇ ਟਰੂਡੋ ਨੇ ਕਿਹਾ ਕਿ ਉਹ ਉਮੀਦ ਕਰਦੇ ਹਨ ਕਿ ਐੱਨ. ਡੀ. ਪੀ. ਇਸ ਗੱਲ ’ਤੇ ਫੋਕਸ ਕਰੇਗੀ ਕਿ ਅਸੀਂ ਮਿਲ ਕੇ ਕੈਨੇਡੀਅਨਾਂ ਲਈ ਹੋਰ ਕੀ ਕੁਝ ਕਰ ਸਕਦੇ ਹਾਂ, ਜਿਸ ਤਰ੍ਹਾਂ ਅਸੀਂ ਪਿਛਲੇ ਦੋ ਸਾਲਾਂ ਵਿਚ ਕੀਤਾ ਹੈ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਜਿਸ ਨੇ ਰਾਜਨੀਤੀ ਕਰਨੀ ਹੈ ਕਰੇ, ਉਹ ਸਿਰਫ ਕੰਮ ’ਤੇ ਹੀ ਫੋਕਸ ਕਰਨਗੇ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਮੀਦ ਹੈ ਕਿ ਅਗਲੇ ਫੌਲ ਤੋਂ ਪਹਿਲਾਂ ਇਲੈਕਸ਼ਨ ਦੀ ਨੌਬਤ ਨਹੀਂ ਆਵੇਗੀ। ਉਨ੍ਹਾਂ ਕਿਹਾ ਕਿ ਅਸੀਂ ਕੈਨੇਡੀਅਨ ਲਈ ਕੰਮ ਕਰ ਰਹੇ ਹਾਂ, ਜਦੋਂ ਕਿ ਦੂਜੇ ਪਾਸੇ ਕੰਜ਼ਰਵੇਟਿਵ ਲੀਡਰ ਡੈਂਟਲ ਕੇਅਰ ਤੋਂ ਲੈ ਕੇ ਸਕੂਲ ਫੂਡ ਪ੍ਰੋਗਰਾਮ ਅਤੇ ਫਾਰਮਾਕੇਅਰ ਵਿਚ ਕਟੌਤੀ ਕਰਨਾ ਚਾਹੁੰਦੇ ਹਨ।
ਗੌਰਤਲਬ ਹੈ ਕਿ ਜਗਮੀਤ ਸਿੰਘ ਨੇ ਲਿਬਰਲਸ ਤੋਂ ਸਮਰਥਨ ਵਾਪਸ ਲੈਣ ਦੀ ਘੋਸ਼ਣਾ ਉਸ ਸਮੇਂ ਕੀਤੀ ਹੈ ਜਦੋਂ ਹਾਊਸ ਆਫ਼ ਕਾਮਨ ਦੀ ਸੀਟਿੰਗ 16 ਸਤੰਬਰ ਨੂੰ ਸ਼ੁਰੂ ਹੋ ਰਹੀ ਹੈ। ਇਸ ਮੌਕੇ ਕੰਜ਼ਰਵੇਟਿਵ ਪਾਰਟੀ ਦੇ ਸਰਕਾਰ ਖਿਲਾਫ ਬੇਭਰੋਸਗੀ ਮਤੇ ’ਤੇ ਐੱਨ. ਡੀ. ਪੀ. ਦੀ ਪਰਖ਼ ਹੋ ਸਕਦੀ ਹੈ।
