7.56C Vancouver 7.56C VancouverMay 22, 2020 9:40 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਕਿਹਾ ਹੈ ਕਿ ਪੂਜਾ ਅਤੇ ਭਗਤੀ ਸੰਬੰਧੀ ਥਾਵਾਂ ਨੂੰ ਖੋਲ੍ਹਣ ਦੀ ਲੋੜ ਹੈ।
ਟ੍ਰੰਪ ਨੇ ਪੂਜਾ ਅਤੇ ਭਗਤੀ ਸੰਬੰਧੀ ਥਾਵਾਂ ਨੂੰ essential services ਯਾਨੀ ਕਿ ਜ਼ਰੂਰੀ ਸੇਵਾਵਾਂ ਦੀ ਸ਼੍ਰੇਣੀ 'ਚ ਸ਼ਾਮਿਲ ਦੱਸਿਆ ਹੈ।
ਰਾਸ਼ਟਰਪਤੀ ਨੇ ਵੱਖੋ-ਵੱਖਰੇ ਗਵਰਨਰਾਂ ਨੂੰ ਅਪੀਲ ਕੀਤੀ ਹੈ ਕਿ ਇਸ ਵੀਕਐਂਡ 'ਤੇ ਇਨ੍ਹਾਂ ਥਾਵਾਂ ਨੂੰ ਖੋਲ੍ਹਿਆ ਜਾਵੇ।
ਉਨ੍ਹਾਂ ਕਿਹਾ, ''ਜੇਕਰ ਗਵਰਨਰ ਅਜਿਹਾ ਨਹੀਂ ਕਰਦੇ, ਤਾਂ ਮੈਂ ਉਨ੍ਹਾਂ ਨੂੰ ਇਸ ਦੇ ਨਿਰਦੇਸ਼ ਦੇਵਾਂਗਾ।"
ਟ੍ਰੰਪ ਨੇ ਕਿਹਾ, "ਇਸ ਵੇਲੇ ਸਾਨੂੰ ਵੱਧ ਤੋਂ ਵੱਧ ਪੂਜਾ ਅਤੇ ਭਗਤੀ ਦੀ ਲੋੜ ਹੈ।''
ਟ੍ਰੰਪ ਨੇ ਕਿਹਾ ਕਿ ਡਿਜ਼ੀਜ਼ ਕੰਟਰੋਲ ਅਤੇ ਬਚਾਅ ਸੰਬੰਧੀ ਸੈਂਟਰਾਂ (Centers of Disease Control and Prevention) ਵੱਲੋਂ ਵੀ ਭਾਈਚਾਰਿਆਂ ਨੂੰ ਗਾਈਡੈਂਸ (guidance) ਪ੍ਰਦਾਨ ਕੀਤੀ ਜਾ ਰਹੀ ਹੈ ਕਿ ਸੁਰੱਖਿਅਤ ਇਕੱਠ ਕਿਵੇਂ ਕੀਤੇ ਜਾ ਸਕਦੇ ਹਨ।
ਰਾਸ਼ਟਰਪਤੀ ਟ੍ਰੰਪ ਦੀ ਇਹ ਟਿੱਪਣੀ ਉਸ ਵੇਲੇ ਆਈ ਹੈ, ਜਦ ਇੱਕ ਦਿਨ ਪਹਿਲਾਂ ਹੀ ਅਜੈਂਸੀ ਤੋਂ ਟ੍ਰੰਪ ਨੇ ਮੰਗ ਕੀਤੀ ਸੀ ਕਿ ਗਾਈਡਲਾਈਨਜ਼ ਜਾਰੀ ਕੀਤੀਆਂ ਜਾਣ, ਜਿਸ ਦੇ ਨਾਲ ਪੂਜਾ ਅਤੇ ਭਗਤੀ ਕਰਨ ਵਾਲਿਆਂ ਨੂੰ ਇਕੱਠ ਕਰਨ ਸੰਬੰਧੀ ਆਸਾਨੀ ਹੋ ਸਕੇ।
