ਟਰੰਪ ਨੇ ਵਰਲਡ ਇਕਨਾਮਿਕ ਫੋਰਮ ਵਿਚ ਫਿਰ ਕੈਨੇਡਾ ਤੇ ਲਾਇਆ ਨਿਸ਼ਾਨਾ

ਕੈਨੇਡਾ ਨੂੰ ਲੈ ਕੇ ਟਰੰਪ ਨੇ ਇੱਕ ਵਾਰ ਫਿਰ ਹਮਲਾ ਬੋਲਿਆ ਹੈ, ਵਰਲਡ ਇਕਨਾਮਿਕ ਫੋਰਮ ਨੂੰ ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਅਮਰੀਕਾ ਨੂੰ ਕੈਨੇਡੀਅਨ ਤੇਲ, ਗੈਸ, ਕਾਰਾਂ ਅਤੇ ਲੱਕੜ ਦੀ ਕੋਈ ਲੋੜ ਨਹੀਂ। ਟਰੰਪ ਨੇ ਕਿਹਾ ਕਿ ਲੱਕੜ ਲਈ ਸਾਡੇ ਆਪਣੇ ਜੰਗਲ ਬਥੇਰੇ ਹਨ ਅਤੇ ਤੇਲ, ਗੈਸ ਵੀ ਸਾਡੇ ਕੋਲ ਸਭ ਤੋਂ ਵੱਧ ਹੈ।

ਇਸ ਦੇ ਨਾਲ ਹੀ ਉਨ੍ਹਾਂ ਕਿ ਜੇ ਕੈਨੇਡਾ ਨੇ ਟੈਰਿਫ ਤੋਂ ਬਚਣਾ ਹੈ ਤਾਂ ਉਹ ਸਾਡਾ 51ਵਾਂ ਸੂਬਾ ਬਣ ਸਕਦਾ ਹੈ।

ਡਾਵੋਸ ਵਿਚ ਵਰਲਡ ਇਕਨਾਮਿਕ ਫੋਰਮ ਨੂੰ ਵੀਡੀਓ ਲਿੰਕ ਜ਼ਰੀਏ ਸੰਬੋਧਨ ਕਰਦੇ ਹੋਏ ਟਰੰਪ ਨੇ ਇਹ ਵੀ ਕਿਹਾ ਕਿ ਦੁਨੀਆ ਦੇ ਹਰ ਵਪਾਰ ਲਈ ਮੇਰਾ ਬਹੁਤ ਸਰਲ ਸੰਦੇਸ਼ ਹੈ ਕਿ ਆਓ ਆਪਣਾ ਉਤਪਾਦ ਅਮਰੀਕਾ ਵਿਚ ਬਣਾਓ ਅਤੇ ਅਸੀਂ ਤੁਹਾਨੂੰ ਕਿਸੇ ਵੀ ਦੇਸ਼ ਨਾਲੋਂ ਸਭ ਤੋਂ ਘੱਟ ਟੈਕਸ ਲਗਵਾਂਗੇ।