12.62C Vancouver 12.62C VancouverOct 1, 2025 1:59 PM - The Canadian Press
ਕੈਨੇਡੀਅਨ ਸਾਫਟਵੁੱਡ ਲੰਬਰ ਅਤੇ ਫਰਨੀਚਰ ਨੂੰ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਨਵੇਂ ਹੋਰ ਵਾਧੂ ਟੈਰਿਫ ਦਾ ਝਟਕਾ ਦਿੱਤਾ ਹੈ। ਟਰੰਪ ਨੇ ਅਮਰੀਕਾ ਤੋਂ ਬਾਹਰੋਂ ਆਉਣ ਵਾਲੇ ਸਾਫਟਵੁੱਡ ਟਿੰਬਰ ਅਤੇ ਲੱਕੜ 'ਤੇ 10 ਫੀਸਦੀ ਨਵੀਂ ਡਿਊਟੀ ਅਤੇ ਕਿਚਨ ਕੈਬਨਿਟਜ਼ ਤੇ vanities 'ਤੇ 25 ਫੀਸਦੀ ਡਿਊਟੀ ਲਗਾਉਣ ਦਾ ਐਲਾਨ ਕੀਤਾ ਹੈ। ਇਹ ਟੈਰਿਫ 14 ਅਕਤੂਬਰ ਤੋਂ ਲਾਗੂ ਹੋਣ ਵਾਲੇ ਹਨ।
ਵ੍ਹਾਈਟ ਹਾਊਸ ਨੇ ਕਿਹਾ ਕਿ ਨਵਾਂ ਟੈਰਿਫ ਲੱਕੜ ਦੇ ਉਤਪਾਦ 'ਤੇ ਪਹਿਲਾਂ ਲਾਗੂ ਕੀਤੇ ਗਏ ਕਿਸੇ ਵੀ ਹੋਰ ਡਿਊਟੀਜ਼ ਤੋਂ ਇਲਾਵਾ ਹੈ। ਕਿਚਨ ਕੈਬਨਿਟਜ਼ ਅਤੇ vanities 'ਤੇ ਲਾਗੂ ਦਰ 1 ਜਨਵਰੀ ਤੋਂ 50 ਫੀਸਦੀ ਤੱਕ ਵਧ ਜਾਵੇਗੀ।
ਕੈਨੇਡੀਅਨ ਜੰਗਲਾਤ ਉਤਪਾਦ ਸੈਕਟਰ ਅਤੇ ਬੀ.ਸੀ. ਲੰਬਰ ਟ੍ਰੇਡ ਕੌਂਸਲ ਨੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਇਸ ਕਦਮ ਦੀ ਆਲੋਚਨਾ ਕੀਤੀ ਹੈ, ਬੀ.ਸੀ. ਲੰਬਰ ਟ੍ਰੇਡ ਕੌਂਸਲ ਨੇ ਕਿਹਾ ਕਿ ਕੈਨੇਡੀਅਨ ਉਤਪਾਦਕ ਨੂੰ ਪਹਿਲਾਂ ਹੀ ਐਂਟੀ-ਡੰਪਿੰਗ ਅਤੇ ਕਾਊਂਟਰਵੇਲਿੰਗ ਡਿਊਟੀ ਦੇ ਰੂਪ ਵਿਚ 35 ਫੀਸਦੀ ਤੋਂ ਵੱਧ ਟੈਰਿਫ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਤਾਜ਼ਾ ਕਦਮ ਨਾਲ ਕੈਨੇਡੀਅਨ ਸਾਫਟਵੁੱਡ ਲੰਬਰ 'ਤੇ ਹੁਣ ਕੁੱਲ ਇੰਪੋਰਟ ਟੈਕਸ 45 ਫੀਸਦੀ ਤੋਂ ਵੱਧ ਹੋ ਜਾਵੇਗਾ।
