ਚਾਰਲੀ ਕਿਰਕ ਨੂੰ ਗੋਲੀ ਮਾਰਨ ਵਾਲੇ ਸ਼ੱਕੀ ਦੀ ਹੋਈ ਪਛਾਣ

ਅਮਰੀਕਾ ਦੀ ਯੂਟਾਹ ਵੈਲੀ ਯੂਨੀਵਰਸਿਟੀ ਵਿਚ ਚਾਰਲੀ ਕਿਰਕ ਨੂੰ ਗੋਲੀ ਮਾਰਨ ਵਾਲੇ ਸ਼ੱਕੀ ਦੀ ਪਛਾਣ 22 ਸਾਲ ਦੇ ਟਾਈਲਰ ਰੌਬਿਨਸਨ ਵਜੋਂ ਸਾਹਮਣੇ ਆਈ ਹੈ। ਰਿਪੋਰਟਸ ਮੁਤਾਬਕ, ਇਹ ਨੌਜਵਾਨ ਯੂਟਾਹ ਦਾ ਹੀ ਰਹਿਣ ਵਾਲਾ ਹੈ ਜੋ ਕਿਰਕ ਦੀ ਹੱਤਿਆ ਦੇ ਸਬੰਧ ਵਿਚ ਹਿਰਾਸਤ ਵਿਚ ਹੈ। ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਸ਼ੁੱਕਰਵਾਰ ਸਵੇਰ ਹੀ ਸ਼ੱਕੀ ਦੇ ਫੜ੍ਹੇ ਜਾਣ ਦੀ ਪੁਸ਼ਟੀ ਕੀਤੀ ਸੀ।

ਉਨ੍ਹਾਂ ਦਾ ਕਹਿਣਾ ਸੀ ਕਿ ਸ਼ੱਕੀ ਦੇ ਪਿਤਾ ਨੇ ਜਾਂਚਕਰਤਾ ਨਾਲ ਸਹਿਯੋਗ ਕੀਤਾ। ਲੰਘੇ ਬੁੱਧਵਾਰ 31 ਸਾਲਾ ਚਾਰਲੀ ਕਿਰਕ ਦੀ ਯੂਟਾਹ ਵੈਲੀ ਯੂਨੀਵਰਸਿਟੀ ਵਿਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।ਕਿਰਕ ਟਰੰਪ ਦੇ ਬਹੁਤ ਕਰੀਬੀ ਸਨ। ਕਿਰਕ ਉਸ ਸਮੇਂ ਆਊਟਡੋਰ ਈਵੈਂਟ ਵਿਚ ਸਟੂਡੈਂਟਸ ਦੇ ਸਵਾਲਾਂ ਦੇ ਜਵਾਬ ਦੇ ਰਹੇ ਸਨ ਜਦੋਂ ਇੱਕ ਗੋਲੀ ਸਿੱਧੇ ਉਨ੍ਹਾਂ ਦੀ ਗਰਦਨ ਵਿਚ ਲੱਗੀ ਅਤੇ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਜਿਥੇ ਡਾਕਟਰਾਂ ਨੇ ਕਿਰਕ ਮ੍ਰਿਤਕ ਐਲਾਨ ਦਿੱਤਾ।