21.09C Vancouver 21.09C VancouverJul 24, 2020 10:15 PM -
ਵੁਆਵੇ ਦੀ ਸੀ.ਐਫ.ਓ. ਮੰਗ ਵਾਂਜੋ ਦੀ ਨੁਮਾਇੰਦਗੀ ਕਰਨ ਵਾਲੀ ਲੀਗਲ ਟੀਮ ਨੇ ਕੁਝ ਨਵੇਂ ਦਸਤਾਵੇਜ਼ ਦਾਖਿਲ ਕੀਤੇ ਹਨ ਅਤੇ ਬੀ.ਸੀ. ਕੋਰਟ ਤੋਂ ਅਪੀਲ ਕੀਤੀ ਹੈ ਕਿ ਮੰਗ ਵਾਂਜੋ ਖਿਲਾਫ਼ ਜਾਰੀ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ ਨੂੰ ਰੱਦ ਕੀਤਾ ਜਾਵੇ।
ਇਨ੍ਹਾਂ ਦਸਤਾਵੇਜ਼ਾਂ 'ਚ ਇਲਜ਼ਾਮ ਲਗਾਏ ਗਏ ਹਨ ਕਿ, ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਨੇ ਇਸ ਮਾਮਲੇ ਨੂੰ ਉਲਝਾਇਆ ਹੈ ਅਤੇ ਉਨ੍ਹਾਂ ਵੱਲੋਂ ਮੰਗ ਵਾਂਜੋ ਦੀ ਵਰਤੋਂ ਇੱਕ 'ਵਪਾਰਿਕ ਗੱਲਬਾਤ' ਵਿਚਾਲੇ ਦੀ 'ਬਰਗੇਨਿੰਗ ਚਿਪ' ਵਜੋਂ ਕੀਤੀ ਜਾ ਰਹੀ ਹੈ।
ਲੀਗਲ ਟੀਮ ਦਾ ਕਹਿਣਾ ਹੈ ਕਿ, ਬੀ.ਸੀ. ਸੁਪ੍ਰੀਮ ਕੋਰਟ ਜਸਟਿਸ ਦੇ ਅਧਿਕਾਰ ਖੇਤਰ ਅਨੁਸਾਰ, ਇਸ ਮਾਮਲੇ 'ਚ ਫਰਵਰੀ ਵਿੱਚ ਤਰਕ ਪੇਸ਼ ਕੀਤੇ ਜਾਣ 'ਤੇ ਮਾਮਲੇ ਸੰਬੰਧੀ 'ਸਟੇਅ' ਲਗਾਈ ਜਾ ਸਕਦੀ ਹੈ।
ਮੰਗ ਵਾਂਜੋ ਨੂੰ ਦਿਸੰਬਰ 2018 'ਚ ਅਮਰੀਕਾ ਦੀ ਬੇਨਤੀ 'ਤੇ ਵੈਨਕੂਵਰ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ।
ਵੁਆਵੇ ਸੀ.ਐਫ.ਓ. ਦਾ ਅਮਰੀਕਾ ਨੂੰ ਸਪੁਰਦਗੀ ਦਾ ਮਾਮਲਾ ਜਾਰੀ ਹੈ ਅਤੇ ਫ਼ਿਲਹਾਲ ਉਹ ਜ਼ਮਾਨਤ 'ਤੇ ਹਨ।
