14.75C Vancouver 14.75C VancouverApr 27, 2021 3:22 PM -
‘ਸਕੂਲ ਲੇਸੌਨ ਔਫ਼ੀਸਰ ਪ੍ਰੋਗਰਾਮ’ ਨੂੰ ਖਤਮ ਕਰਨ ਦੇ ਹੱਕ ਵਿੱਚ ਪਾਈ ਗਈ ਵੋਟ ਤੋਂ ਬਾਅਦ ਵੈਨਕੂਵਰ ਦੇ ਸਕੂਲਾਂ ਵਿੱਚ ਹੁਣ ਵਰਦੀਧਾਰੀ ਪੁਲਿਸ ਅਫਸਰ ਮੌਜੂਦ ਨਹੀਂ ਹੋਣਗੇ।
ਪ੍ਰੋਗਰਾਮ ਲਗਭਗ ਇੱਕ ਸਾਲ ਤੋਂ ਇਨ੍ਹਾਂ ਚਿੰਤਾਵਾਂ ਦੇ ਕਾਰਨ ਪੜਚੋਲ ਅਧੀਨ ਹੈ ਕਿ ਵਰਦੀਧਾਰੀ ਅਧਿਕਾਰੀਆਂ ਦੀ ਮੌਜੂਦਗੀ ਸਿਆਹ ਰੰਗ, ਇੰਡੀਜਨਸ ਅਤੇ ਕੁਝ ਹੋਰ ਰੰਗ ਦੇ ਵਿਦਿਆਰਥੀਆਂ ਲਈ ਚਿੰਤਾ ਜਾਂ ਪਰੇਸ਼ਾਨੀ ਦਾ ਕਾਰਣ ਹੈ।
ਸੋਮਵਾਰ ਨੂੰ ਟਰੱਸਟੀਆਂ ਨੇ ਜੂਨ ਦੇ ਅਖੀਰ ਵਿਚ ਪ੍ਰੋਗਰਾਮ ਨੂੰ ਰੋਕਣ ਦੇ ਮਤੇ ਦੇ ਹੱਕ ਵਿਚ ਅੱਠ ਇੱਕ ਨਾਲ ਵੋਟ ਪਾਈ।
ਇਸ ਫੈਸਲੇ ਦਾ ਸਮਰਥਨ ਕਈ ਸਮੂਹਾਂ ਦੁਆਰਾ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚ ‘ਵੈਨਕੂਵਰ ਡਿਸਟ੍ਰਿਕਟ ਪੇਰੈਂਟ ਐਡਵਾਈਜ਼ਰੀ ਕਾਉਂਸਿਲ’ ਅਤੇ ਸ਼ਹਿਰ ਵਿੱਚ ਐਲੀਮੈਂਟਰੀ ਅਤੇ ਸੈਕੰਡਰੀ ਸਕੂਲ ਅਧਿਆਪਕਾਂ ਦੀ ਨੁਮਾਇੰਦਗੀ ਕਰਦੀਆਂ ਸੰਸਥਾਵਾਂ ਵੀ ਸ਼ਾਮਲ ਹਨ।
ਸਕੂਲ ਬੋਰਡ ਹੁਣ ਵੈਨਕੂਵਰ ਪੁਲਿਸ ਅਤੇ ਆਰ.ਸੀ.ਐਮ.ਪੀ. ਦੇ ਨਾਲ ਕੰਮ ਕਰੇਗਾ ਤਾਂ ਜੋ ਬੱਚਿਆਂ ਅਤੇ ਨੌਜਵਾਨਾਂ ਨਾਲ ਇੱਕ ਨਵਾਂ ਰਿਸ਼ਤਾ ਕਾਇਮ ਕੀਤਾ ਜਾ ਸਕੇ।
ਸਾਰਜੈਂਟ ਸਟੀਵ ਐਡਿਸਨ ਮੁਤਾਬਕ ਵੈਨਕੂਵਰ ਪੁਲਿਸ ਇੱਕ ਵਿਸਕਤ ਰਿਸ਼ਤੇ ਦੇ ਹੱਕ ਵਿੱਚ ਹੈ ਜਿਸ ਵਿੱਚ ਸਕੂਲਾਂ ਵਿੱਚ ਸਾਦਾ ਕੱਪੜਿਆਂ ਵਿੱਚ ਪੁਲਿਸ ਦੀ ਮੌਜੂਦਗੀ ਵੀ ਸ਼ਾਮਲ ਹੋ ਸਕਦੀ ਹੈ।
