9.49C Vancouver 9.49C VancouverFeb 10, 2021 4:39 PM -
ਭਾਰਤ ਦੀ ਕੇਂਦਰ ਸਰਕਾਰ ਵੱਲੋਂ ਭੇਜੀਆਂ 'ਕਾਨੂੰਨੀ ਬੇਨਤੀਆਂ' ਦੇ ਜਵਾਬ 'ਚ, ਬੁੱਧਵਾਰ ਨੂੰ ਟਵਿੱਟਰ ਵੱਲੋਂ ਜਾਣਕਾਰੀ ਦਿੰਦਿਆਂ ਆਖਿਆ ਗਿਆ ਹੈ ਕਿ ਉਹਨਾਂ ਵੱਲੋਂ ਟਵਿੱਟਰ ਦੇ ਨਿਯਮ ਤੋੜਨ ਨੂੰ ਮਿਲਾ ਕੇ ਹੋਰ ਵੀ ਕਈ ਕਾਰਵਾਈਆਂ ਨੂੰ ਲਾਗੂ ਕਰਦਿਆਂ 500 ਖਾਤਿਆਂ ਨੂੰ ਪੱਕੇ ਤੌਰ 'ਤੇ ਬੰਦ ਕਰ ਦਿੱਤਾ ਗਿਆ ਹੈ।
ਸੋਸ਼ਲ ਮੀਡੀਆ ਦੇ ਇਸ ਵੱਡੇ ਮੰਚ ਨੇ ਬਿਆਨ 'ਚ ਆਖਿਆ ਹੈ,"ਟਵਿੱਟਰ ਦੇ ਨਿਯਮ ਲਾਗੂ ਕਰਨ ਤੋਂ ਅਲਾਵਾ ਬੀਤੇ 10 ਸਾਲਾਂ 'ਚ ਟਵਿੱਟਰ ਨੇ ਭਾਰਤ ਸਰਕਾਰ ਦੀ ਤਕਨੀਕੀ ਜਾਣਕਾਰੀ ਐਕਟ ਦੀ ਧਾਰਾ 69 ਏ ਦੇ ਤਹਿਤ ਅਤੇ ਇਲੈਕਟ੍ਰੋਨਿਕਸ ਐਂਡ ਇਨਫੋਰਮੇਸ਼ਨ ਟੈਕਨੋਲੋਜੀ ਮਹਿਕਮੇ ਦੇ ਹੁਕਮਾਂ 'ਤੇ ਕਈ ਵਾਰੀ ਕਈ ਤਰਾਂ ਦੀਆਂ ਬਲੌਕ ਦੀਆਂ ਕਾਰਵਾਈਆਂ ਕੀਤੀਆਂ ਹਨ।"
ਇਸ ਬਿਆਨ 'ਚ ਅੱਗੇ ਆਖਿਆ ਗਿਆ ਹੈ,"ਅਸੀਂ ਕਈ ਤਰਾਂ ਦੀਆਂ ਕਾਰਵਾਈਆਂ ਕੀਤੀਆਂ ਹਨ, ਜਿਨ੍ਹਾਂ 'ਚ ਕੁਝ ਮਾਮਲਿਆਂ 'ਚ ਪੱਕੇ ਤੌਰ 'ਤੇ ਖਾਤੇ ਬੰਦ ਕਰਨਾ ਆਦਿ ਸ਼ਾਮਲ ਹੈ- ਇਸਦੇ ਤਹਿਤ ਇਲੈਕਟ੍ਰੋਨਿਕਸ ਐਂਡ ਇਨਫੋਰਮੇਸ਼ਨ ਟੈਕਨੋਲੋਜੀ ਮਹਿਕਮੇ ਦੇ ਹੁਕਮਾਂ 'ਤੇ ਟਵਿੱਟਰ ਨਿਯਮਾਂ ਨੂੰ ਤੋੜਨ ਲਈ 500 ਤੋਂ ਵੀ ਵੱਧ ਖਾਤੇ ਬੰਦ ਕਰ ਦਿੱਤੇ ਗਏ ਹਨ।"
ਕੰਪਨੀ ਵੱਲੋਂ ਦੱਸਿਆ ਗਿਆ ਹੈ ਕਿ ਉਹਨਾਂ ਵੱਲੋਂ ਹੈਸ਼ਟੈਗ ਦੀ ਪਾਰਦਰਸ਼ਤਾ ਹੋਰ ਵਧਾਈ ਗਈ ਹੈ, ਤਾਂ ਜੋ ਜੇ ਕਿਸੇ ਵੀ ਹੈਸ਼ਟੈਗ 'ਚ ਕੋਈ ਹਾਨੀਕਾਰਕ ਗੱਲ ਪਾਈ ਜਾਂਦੀ ਹੈ, ਤਾਂ ਉਸਨੂੰ ਟਵਿੱਟਰ 'ਤੇ ਟਰੈਂਡ ਹੋਣ ਤੋਂ ਰੋਕਿਆ ਜਾਵੇਗਾ।
ਉਹਨਾਂ ਅੱਗੇ ਆਖਿਆ,"ਇਨ੍ਹਾਂ ਕੁਝ ਹਫਤਿਆਂ ਦੌਰਾਨ ਹਿੰਸਾ ਦੀਆਂ ਰਿਪੋਰਟਾਂ ਆਉਣ ਤੋਂ ਬਾਅਦ, ਭਾਰਤ 'ਚ ਆਪਣੇ ਆਪ ਨੂੰ ਬਚਾਉਣ ਲਈ ਅਤੇ ਨਿਯਮਾਂ ਦੀ ਪਾਲਣਾ ਕਰਨ ਦੀਆਂ ਕਿਰਿਆਸ਼ੀਲ ਕੋਸ਼ਿਸ਼ਾਂ ਨਾਲ ਸਬੰਧਤ ਬਹੁਤ ਹੀ ਵਿਸਥਾਰਤ ਅਪਡੇਟ ਅਸੀਂ ਸਾਂਝੀ ਕਰ ਰਹੇ ਹਾਂ।"
ਉਹਨਾਂ ਇਹ ਵੀ ਦੱਸਿਆ ਕਿ ਉਹਨਾਂ ਕੁਝ ਖਾਤਿਆਂ ਨੂੰ, ਜੋ ਕਿ ਭਾਰਤ ਨਾਲ ਉਨ੍ਹਾਂ ਦੀ "ਕੰਟਰੀ ਵਿਦਹੈਲਡ ਕੋਨਟੈਂਟ' ਦੇ ਤਹਿਤ ਨਿਯਮ ਤੋੜ ਰਹੇ ਸਨ, ਪਛਾਣ ਕੇ ਉਹਨਾਂ 'ਤੇ ਵੱਖਰੇ ਤੌਰ 'ਤੇ ਕੁਝ ਰੋਕ ਲਾ ਦਿੱਤੀ ਹੈ| ਬਿਆਨ 'ਚ ਆਖਿਆ ਗਿਆ ਹੈ,"ਇਹ ਖਾਤੇ ਭਾਰਤ ਤੋਂ ਬਾਹਰ ਚੱਲਦੇ ਰਹਿਣਗੇ।
ਕਿਉਂਕਿ ਸਾਨੂ ਨਹੀਂ ਲੱਗਦਾ ਕਿ ਜੋ ਕਾਰਵਾਈ ਕਰਨ ਲਈ ਸਾਨੂੰ ਆਖਿਆ ਜਾ ਰਿਹਾ ਹੈ, ਉਹ ਭਾਰਤੀ ਕਾਨੂੰਨ ਨਾਲ ਇਕਸਾਰ ਹੈ,ਅਤੇ, ਸਾਡੇ ਬਚਾਅ 'ਚ ਬੋਲਣ ਦੀ ਅਤੇ ਭਾਵਨਾਵਾਂ ਜ਼ਾਹਰ ਕਰਨ ਦੀ ਆਜ਼ਾਦੀ ਦੇ ਸਿਧਾਂਤ ਨਾਲ ਇਕਸਾਰਤਾ ਰੱਖਦੀ ਹੈ।
ਇਸ ਤੋਂ ਅਲਾਵਾ ਅਸੀਂ ਕਿਸੇ ਵੀ ਅਜਿਹਾ ਖ਼ਾਤੇ 'ਤੇ ਕੋਈ ਕਾਰਵਾਈ ਨਹੀਂ ਕੀਤੀ, ਜੋ ਖ਼ਬਰਾਂ ਜਾਂ ਮੀਡੀਆ ਅਦਾਰੇ, ਪੱਤਰਕਾਰਾਂ, ਸਮਾਜਿਕ ਕਾਰਕੁੰਨਾਂ ਅਤੇ ਸਿਆਸਤਦਾਨਾਂ ਨਾਲ ਜੁੜੇ ਹਨ।"
ਦੱਸਣਯੋਗ ਹੈ ਕਿ ਅਜਿਹੇ ਬਿਆਨ ਭਾਰਤ 'ਚ ਕਿਸਾਨਾਂ ਵੱਲੋਂ ਕੀਤੇ ਜਾ ਰਹੇ ਵਿਰੋਧ ਪ੍ਰਦਰਸ਼ਨ ਦੌਰਾਨ ਹੋਈ 'ਟੂਲਕਿੱਟ' ਵਿਵਾਦ ਤੋਂ ਬਾਅਦ ਦਿੱਤੇ ਗਏ ਹਨ| ਭਾਰਤ ਸਰਕਾਰ ਵੱਲੋਂ ਇਸ ਸੋਮਵਾਰ ਨੂੰ ਸੋਸ਼ਲ ਮੀਡੀਆ ਮੰਚ ਟਵਿੱਟਰ ਨੂੰ 1178 ਪਾਕਿਸਤਾਨੀ-ਖ਼ਾਲਿਸਤਾਨੀ ਖ਼ਾਤੇ, ਜੋ ਗ਼ਲਤ ਜਾਣਕਾਰੀ ਫੈਲਾਅ ਰਹੇ ਹਨ ਅਤੇ ਕਿਸਾਨਾਂ ਦੇ ਸੰਘਰਸ਼ ਨੂੰ ਲੈਕੇ ਭੜਕਾਊ ਸਮੱਗਰੀ ਦਾ ਪ੍ਰਚਾਰ ਕਰਦੇ ਹਨ, ਉਨ੍ਹਾਂ ਨੂੰ ਹਟਾਉਣ ਦੀਆਂ ਹਦਾਇਤਾਂ ਦਿੱਤੀਆਂ ਗਈਆਂ ਸਨ|
