17.33C Vancouver 17.33C VancouverApr 27, 2022 12:22 AM - The Canadian Press
ਬੀ.ਸੀ. ਦੇ ਇੱਕ ਆਦਮੀ ਦੀ ਜਾਣਕਾਰੀ ਦੇਣ ਵਾਲੇ ਲਈ ਵੱਡੇ ਇਨਾਮ ਦਾ ਐਲਾਨ ਕੀਤਾ ਜਾ ਰਿਹਾ ਹੈ।
ਇਸ ਵਿਅਕਤੀ ਬਾਰੇ ਦੱਸਿਆ ਗਿਆ ਹੈ ਕਿ ਇਹ ਕੈਨੇਡਾ ਦੇ 'ਮੋਸਟ ਵਾਂਟਿਡ' ਅਪਰਾਧੀਆਂ ਦੀ ਸੂਚੀ 'ਚ ਦੂਜੇ ਨੰਬਰ 'ਤੇ ਹੈ।
ਮੰਗਲਵਾਰ ਨੂੰ ਕੈਨੇਡਾ ਦੇ 'ਬੀ ਔਨ ਦ ਲੁਕ ਆਊਟ ਪ੍ਰੋਗਰਾਮ' ਨੇ 25 ਅਪਰਾਧੀਆਂ ਦੀ ਸੂਚੀ ਜਾਰੀ ਕੀਤੀ ਹੈ।
ਇਸ 'ਚ ਬੀ.ਸੀ. ਦੇ 2 ਆਦਮੀ ਸ਼ਾਮਿਲ ਹਨ।
ਜੀਨ ਕਾਰਲ ਲਾਹਰਕੈਂਪ ਨੂੰ ਇਸ ਸੂਚੀ 'ਚ ਦੂਜੇ ਨੰਬਰ 'ਤੇ ਰੱਖਿਆ ਗਿਆ ਹੈ।
ਐਬਟਸਫੋਰਡ ਦੇ ਸਾਬਕਾ ਗੈਂਗਸਟਰ ਜਿਮੀ ਸੰਧੂ ਦੇ ਕਤਲ ਮਾਮਲੇ 'ਚ ਇਸ ਵਿਅਕਤੀ 'ਤੇ ਦੋਸ਼ ਸਨ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਜਿਮੀ ਸੰਧੂ ਦਾ ਥਾਈਲੈਂਡ 'ਚ 5 ਫਰਵਰੀ ਨੂੰ ਕਤਲ ਹੋ ਗਿਆ ਸੀ।
ਥਾਈ ਪੁਲਿਸ ਦਾ ਕਹਿਣਾ ਸੀ ਕਿ ਜਿਮੀ ਸੰਧੂ ਨੂੰ 2 ਕਨੇਡੀਅਨ ਲੋਕਾਂ ਨੇ ਨਿਸ਼ਾਨਾ ਬਣਾਇਆ ਸੀ ਜੋ ਕਿ ਵਾਰਦਾਤ ਤੋਂ ਕੁਝ ਦਿਨ ਬਾਅਦ ਕੈਨੇਡਾ ਆ ਗਏ ਸਨ।
ਇਨ੍ਹਾਂ 'ਚ ਇੱਕ ਵਿਅਕਤੀ ਨੂੰ ਫਰਵਰੀ 'ਚ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਹੁਣ ਜਾਣਕਾਰੀ ਦਿੱਤੀ ਗਈ ਹੈ ਕਿ ਜੀਨ ਕਾਰਲ ਲਾਹਰਕੈਂਪ ਦੀ ਜਾਣਕਾਰੀ ਦੇਣ ਵਾਲੇ ਨੂੰ $100,000 ਦਾ ਇਨਾਮ ਮਿਲ ਸਕਦਾ ਹੈ।
ਇਸੇ ਸੂਚੀ ਵਿੱਚ ਬੀ.ਸੀ. ਦੇ ਜੌਨ ਨੌਰਮੈਨ ਮੈਕੈਨਜੀ ਨੂੰ 21ਵੇਂ ਨੰਬਰ 'ਤੇ ਰੱਖਿਆ ਗਿਆ ਹੈ।
ਦੋਵਾਂ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
