ਹੈਕਿੰਗ ਦੇ ਚਲਦਿਆਂ ਦੋ ਬੀ.ਸੀ. ਸਟੂਡੈਂਟ ਏਡ ਵੈਬਸਾਈਟਸ ਨੂੰ ਟੈਂਪਰੇਰੀ ਤੌਰ 'ਤੇ ਕੀਤਾ ਗਿਆ ਬੰਦ

ਬੀ.ਸੀ. 'ਚ ਮਿਨਿਸਟਰੀ ਆਫ ਐਡਵਾਂਸਡ ਐਜੂਕੇਸ਼ ਐਂਡ ਸਕਿਲਸ ਟਰੇਨਿੰਗ ਦਾ ਕਹਿਣਾ ਹੈ ਕਿ ਸੂਬੇ 'ਚ 2 ਵੈਬਸਾਈਟਸ ਦੇ ਹੈਕ ਹੋਣ ਤੋਂ ਬਾਅਦ ਦੋਨਾਂ ਨੂੰ ਟੈਂਪਰੇਰੀ ਪੱਧਰ 'ਤੇ ਬੰਦ ਕੀਤਾ ਗਿਆ ਹੈ।

ਸਟਡੈਂਟਏਡਬੀ.ਸੀ. (StudentAidBC) ਅਤੇ ਲਰਨਲਾਈਵਬੀ.ਸੀ. (LearnLiveBC) ਦੇ 'ਹੋਮ ਪੇਜਿਸ' ਨੂੰ ਐਤਵਾਰ ਨੂੰ ਬਦਲ ਦਿੱਤਾ ਗਿਆ ਸੀ ਅਤੇ ਇੱਕ ਹੈਕਰ ਗਰੁੱਪ ਦੀ ਸਟੇਟਮੈਂਟ ਜਾਰੀ ਕਰ ਦਿੱਤੀ ਗਈ ਸੀ।

ਜਿਹੜੀਆਂ ਸਾਈਟਸ ਪ੍ਰਭਾਵਿਤ ਹੋਈਆਂ ਹਨ ਉਹ ਪੋਸਟ ਸੈਕੰਡਰੀ ਵਿਦਿਆਰਥੀਆਂ ਲਈ ਸਕੌਲਰਸ਼ਿਪਸ, ਗ੍ਰਾਂਟਸ, ਲੋਨ ਅਤੇ ਹੋਰ ਵਿੱਤੀ ਪ੍ਰੋਗਰਾਮਸ ਦੇ ਲਈ ਐਪਲੀਕੇਸ਼ ਸਹਿਯੋਗ ਅਤੇ ਹੋਰ ਜਾਣਕਾਰੀਆਂ ਪ੍ਰਦਾਨ ਕਰਦੀਆਂ ਹਨ।

ਆਫ਼ਿਸ ਆਫ ਦ ਚੀਫ਼ ਇਨਫਰਮੇਸ਼ਨ ਅਫ਼ਸਰ (Office of the Chief Information Officer) ਦੇ ਨਾਲ ਮਿਲ ਕੇ ਮੰਤਰਾਲੇ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।

ਮੰਤਰਾਲੇ ਦਾ ਕਹਿਣਾ ਸੀ ਕਿ ਅਜਿਹੀ ਕੋਈ ਜਾਣਕਾਰੀ ਨਹੀਂ ਹੈ ਕਿ ਕਿਸੇ ਦੀ ਨਿੱਜੀ ਜਾਣਕਾਰੀ ਹਾਸਿਲ ਕੀਤੀ ਜਾ ਸਕੀ ਹੋਵੇ।