18.79C Vancouver 18.79C VancouverDec 2, 2022 1:28 AM - The Canadian Press
ਮੈਟਰੋ ਵੈਨਕੂਵਰ 'ਚ 2 ਸਿਟੀ ਕਾਉਂਸਲਰਸ ਦਾ ਕਹਿਣਾ ਹੈ ਕਿ ਮੰਗਲਵਾਰ ਨੂੰ ਇਲਾਕੇ 'ਚ ਬਰਫਬਾਰੀ ਵਿਚਾਲੇ ਜਿਸ ਢੰਗ ਨਾਲ ਆਵਾਜਾਈ ਠੱਪ ਹੋ ਗਈ, ਉਸ ਪ੍ਰਕਾਰ ਦੇ ਹਾਲਾਤ ਦੁਬਾਰਾ ਨਾ ਬਣਨ, ਇਸ ਦੇ ਲਈ ਇੱਕ 'ਸਨੋ ਸੰਮੀਟ' ਹੋਣਾ ਚਾਹੀਦਾ ਹੈ।
ਮੰਗਲਵਾਰ ਸ਼ਾਮ ਤੋਂ ਦੇਰ ਰਾਤ ਤੱਕ ਮੈਟਰੋ ਵੈਨਕੂਵਰ ਦੇ ਹਜ਼ਾਰਾਂ ਰਾਹਗੀਰਾਂ ਨੂੰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ 'ਚ ਘੰਟਿਆਂ ਦੇ ਹਿਸਾਬ ਨਾਲ ਉਡੀਕ ਕਰਨੀ ਪਈ।
ਇਸ ਦੇ ਚਲਦਿਆਂ ਨਿਊ ਵੈਸਟਮਿਨਸਟਰ ਤੋਂ ਕਾਉਂਸਲਰ ਡੈਨੀਅਲ ਫੌਂਟੇਨ ਅਤੇ ਸਰ੍ਹੀ ਤੋਂ ਕਾਉਂਸਲਰ ਲਿੰਡਾ ਐਨਿਸ ਨੇ ਕਿਹਾ ਕਿ ਸਮਾਂ ਆ ਗਿਆ ਹੈ ਕਿ ਬਰਫਬਾਰੀ ਸੰਬੰਧੀ ਬੈਠਕ ਕੀਤੀ ਜਾਵੇ ਅਤੇ ਇਸ ਦੇ ਲਈ ਲੋਅਰ ਮੇਨਲੈਂਡ ਦੀਆਂ ਮਿਊਨਿਸੀਪੈਲਿਟੀਸ, ਪ੍ਰੋਵਿੰਸ਼ੀਅਲ ਸਰਕਾਰ, ਟ੍ਰਾਂਜ਼ਿਟ ਆਪਰੇਟਰ ਅਤੇ ਰੋਡ ਮੈਂਟੇਨੈਂਸ ਕੰਟ੍ਰੈਕਟਰਸ ਇਕੱਠੇ ਹੋਣ ਅਤੇ ਇਸ ਮਸਲੇ ਦਾ ਹੱਲ ਲੱਭਣ।
ਲਿੰਡਾ ਐਨਿਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਵੈਨਕੂਵਰ ਤੋਂ ਸਾਊਥ ਸਰ੍ਹੀ ਪਹੁੰਚਣ ਲਈ ਬਰਫਬਾਰੀ ਦੇ ਹਾਲਾਤਾਂ ਵਿਚਾਲੇ 9.5 ਘੰਟੇ ਲੱਗੇ।
ਉੱਧਰ ਫੌਂਟੇਨ ਨੇ ਕਿਹਾ ਕਿ ਇਹ ਮੌਸਮ ਦੇ ਹਾਲਾਤ ਅਚਾਨਕ ਨਹੀਂ ਬਣੇ ਸਨ ਅਤੇ ਇਸ ਬਾਰੇ ਐਤਵਾਰ ਤੋਂ ਹੀ ਜਾਣਕਾਰੀ ਸੀ ਅਤੇ ਇਸੇ ਕਾਰਨ ਜਾਨਣਾ ਜ਼ਰੂਰੀ ਹੈ ਕਿ ਆਖਿਰ ਸਾਰੇ ਇਲਾਕੇ 'ਚ ਆਵਾਜਾਈ ਪ੍ਰਤੀ ਅਜਿਹੀ ਸਥਿਤੀ ਕਿਉਂ ਬਣ ਗਈ।
ਉਨ੍ਹਾਂ ਕਿਹਾ ਕਿ ਇੱਕ ਰੀਜਨਲ ਪਲੈਨ ਦੀ ਲੋੜ ਹੈ, ਜਿਸ ਨਾਲ ਅੱਗੇ ਤੋਂ ਅਜਿਹੀ ਸਥਿਤੀ ਤੋਂ ਬਚਿਆ ਜਾ ਸਕੇ।
