19.45C Vancouver 19.45C VancouverMar 6, 2021 2:36 AM -
ਬੌਵਨ ਆਈਲੈਂਡ 'ਚ ਇੱਕ ਹੈਲੀਕਾਪਟਰ ਕ੍ਰੈਸ਼ ਹੋ ਗਿਆ ਹੈ।
ਘਟਨਾ 'ਚ 2 ਲੋਕਾਂ ਦੇ ਜ਼ਖਮੀ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਹੈ।
ਦੋਵਾਂ ਦੀ ਹੈਲਥ ਗੰਭੀਰ ਹੈ ਪਰ ਉਨ੍ਹਾਂ ਦੇ ਜ਼ਖਮਾਂ ਨੂੰ ਜਾਨਲੇਵਾ ਨਹੀਂ ਦੱਸਿਆ ਗਿਆ ਹੈ।
ਸਵੇਰੇ ਕਰੀਬ 10 ਵਜੇ ਇੱਕ ਹੈਲੀਕਾਪਟਰ ਕ੍ਰੈਸ਼ ਤੋਂ ਬਾਅਦ ਐਮਰਜੈਂਸੀ ਟੀਮਾਂ ਨੂੰ ਵੈਨਕੂਵਰ ਦੇ ਕੋਲ ਪੈਂਦੇ ਬੌਵਨ ਆਈਲੈਂਡ 'ਤੇ ਭੇਜਿਆ ਗਿਆ ਸੀ।
ਬੀ.ਸੀ. ਐਮਰਜੈਂਸੀ ਹੈਲਥ ਸਰਵਿਸਿਜ਼ ਦਾ ਕਹਿਣਾ ਸੀ ਕਿ ਪੈਰਾਮੈਡੀਕ ਟੀਮਾਂ ਅਤੇ ਏਅਰ ਐਂਬੂਲੈਂਸ ਨੂੰ ਮੌਕੇ 'ਤੇ ਭੇਜਿਆ ਗਿਆ ਸੀ।
ਦੋਵਾਂ ਜ਼ਖਮੀ ਵਿਅਕਤੀਆਂ ਨੂੰ ਏਅਰਲਿਫਟ ਕਰ ਹਸਪਤਾਲ ਪਹੁੰਚਾਇਆ ਗਿਆ।
ਬੌਵਨ ਆਈਲੈਂਡ ਦੇ ਨਿਵਾਸੀ ਟੋਨੀ ਮੇਨਵਾਰਿੰਗ ਦਾ ਕਹਿਣਾ ਸੀ ਕਿ ਘਟਨਾ ਦੀ ਜਗ੍ਹਾ 'ਤੇ ਪਹੁੰਚਣ ਵਾਲਾ ਉਹ ਪਹਿਲਾ ਵਿਅਕਤੀ ਸੀ ਅਤੇ ਉਹ ਦੋਵਾਂ ਹੈਲੀਕਾਪਟਰ ਸਵਾਰ ਲੋਕਾਂ ਨੂੰ ਜਿਉਂਦੇ ਵੇਖ ਕੇ ਹੈਰਾਨ ਸੀ।
ਉਨ੍ਹਾਂ ਦੱਸਿਆ ਕਿ ਹੈਲੀਕਾਪਟਰ ਦੇ ਕ੍ਰੈਸ਼ ਹੋਣ ਤੋਂ ਪਹਿਲਾਂ ਉਸ ਨੇ ਹੈਲੀਕਾਪਟਰ ਨੂੰ ਉੱਤੇ-ਹੇਠਾਂ ਜਾਂਦੇ ਵੇਖਿਆ ਸੀ ਅਤੇ ਫਿਰ ਕ੍ਰੈਸ਼ ਮਾਊਂਟ ਗਾਰਡਨਰ ਡੌਕ ਕੋਲ ਵਾਪਰਿਆ।
