12.7C Vancouver 12.7C VancouverDec 29, 2021 8:14 PM - Connect News
ਕੈਲੋਨਾ ਆਰ.ਸੀ.ਐਮ.ਪੀ. ਦੇ ਡਰੱਗਸ ਅਤੇ ਔਰਗੇਨਾਈਜ਼ਡ ਕਰਾਈਮ ਸੈਕਸ਼ਨ ਵੱਲੋਂ 2 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਦੋਵਾਂ ਨੂੰ ਟੀਨੇਜਰਸ ਨੂੰ ਡਰੱਗਸ ਵੇਚਣ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਬੀਤੇ ਕਰੀਬ ਇੱਕ ਸਾਲ 'ਚ ਕੈਲੋਨਾ ਆਰ.ਸੀ.ਐਮ.ਪੀ. ਨੂੰ ਇੱਕ ਸ਼ੱਕੀ ਬਾਰੇ ਕਈ ਸ਼ਿਕਾਇਤਾਂ ਮਿਲੀਆਂ ਸਨ, ਜਿਸ ਬਾਰੇ ਆਖਿਆ ਗਿਆ ਸੀ ਕਿ ਉਹ ਟੀਨੇਜਰਸ ਨੂੰ ਮੈਜਿਕ ਮਸ਼ਰੂਮ, ਐਲ.ਐਸ.ਡੀ. ਅਤੇ ਕੈਨਬਿਸ ਵੇਚ ਰਿਹਾ ਸੀ।
ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲੱਗਿਆ ਕਿ ਅਜਿਹੇ 2 ਲੋਕ ਹਨ ਜੋ ਕੈਲੋਨਾ 'ਚ ਇਸ ਪ੍ਰਕਾਰ ਦੀ ਸਮਗਰੀ ਟੀਨੇਜਰਸ ਨੂੰ ਵੇਚ ਰਹੇ ਹਨ।
ਟੀਨੇਜਰਸ ਵੱਲੋਂ ਸ਼ੱਕੀਆਂ ਨੂੰ ਟੈਕਸਟ ਮੈਸੇਜ ਰਾਹੀਂ ਆਪਣੀ ਲੋੜ ਦੀ ਸਮਗਰੀ ਦੀ ਜਾਣਕਾਰੀ ਦਿੱਤੀ ਜਾਂਦੀ ਸੀ, ਜਿਸ 'ਤੇ ਸ਼ੱਕੀ ਪੂਰਾ ਮੈਨਿਊ ਸਾਂਝਾ ਕਰਦੇ ਸਨ।
ਫਿਰ ਕਿਸੇ ਲੋਕੇਸ਼ਨ 'ਤੇ ਡਰੱਗਸ ਵੇਚ ਦਿੱਤੇ ਜਾਂਦੇ ਸਨ। ਇਸ ਮਾਮਲੇ 'ਚ ਪੁਲਿਸ ਨੇ 9 ਦਿਸੰਬਰ ਨੂੰ ਰਿਚਟਰ ਸਟ੍ਰੀਟ ਦੇ 1700 ਬਲੌਕ 'ਚ ਸਥਿਤ ਇੱਕ ਕੌਂਡੋ 'ਚ ਛਾਪੇਮਾਰੀ ਕੀਤੀ।
ਇਸ ਦੌਰਾਨ 4 ਪਾਊਂਡ ਮੈਜਿਕ ਮਸ਼ਰੂਮ, 40 ਪਾਊਂਡ ਕੈਨਬਿਸ, ਐਲ.ਐਸ.ਡੀ. ਦੇ 1,300 ਟੈਬ, $10,000 ਕੈਸ਼ ਅਤੇ ਇੱਕ ਜੈਗੂਆਰ ਐਸ.ਯੂ.ਵੀ. ਬਰਾਮਦ ਹੋਈ।
ਸ਼ੱਕੀਆਂ ਦੀ ਉਮਰ 37 ਅਤੇ 50 ਸਾਲ ਦੱਸੀ ਗਈ ਹੈ। ਦੋਵਾਂ 'ਤੇ ਡਰੱਗਸ ਸੰਬੰਧੀ ਕਈ ਦੋਸ਼ ਲੱਗੇ ਹਨ।
