19.37C Vancouver 19.37C VancouverJun 19, 2021 12:24 AM -
ਬੀ.ਸੀ. 'ਚ ਨਰਮਾਤਾ ਦੇ ਇਲਾਕੇ 'ਚ ਕਾਰਲੋਸ ਫਰਾਇਰ ਅਤੇ ਐਰਿਕ ਫਰਾਇਰ ਦੀ ਮੌਤ ਦੇ ਮਾਮਲੇ 'ਚ ਦੋ ਲੋਕਾਂ 'ਤੇ ਦੋਸ਼ ਲਗਾਏ ਗਏ ਹਨ।
10 ਮਈ ਨੂੰ ਅਫ਼ਸਰਾਂ ਨੂੰ ਨਰਮਾਤਾ ਕਰੀਕ ਫੌਰੈਸਟ ਸਰਵਿਸ ਰੋਡ ਕੋਲ ਇੱਕ ਪਿਛੜੇ ਇਲਾਕੇ 'ਚ 2 ਲੋਕ ਮ੍ਰਿਤ ਮਿਲੇ ਸਨ।
ਅੱਜ ਜਾਣਕਾਰੀ ਦਿੱਤੀ ਗਈ ਹੈ ਕਿ ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਨੇ 2 ਲੋਕਾਂ ਖਿਲਾਫ਼ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਤੈਅ ਕੀਤੇ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਪਛਾਣ ਪੈਂਟੀਕਟਨ ਦੇ 35 ਸਾਲਾ ਐਂਥਨੀ ਗ੍ਰਾਹਮ ਅਤੇ ਨਰਮਾਤਾ ਦੇ 32 ਸਾਲਾ ਵੇਡ ਕੁਡਮੋਰ ਵਜੋਂ ਹੋਈ ਹੈ।
ਕੁਡਮੋਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਗ੍ਰਾਹਮ ਫਿਲਹਾਲ ਗ੍ਰਿਫਤ ਤੋਂ ਬਾਹਰ ਹੈ।
ਬੀ.ਸੀ. ਆਰ.ਸੀ.ਐਮ.ਪੀ. ਮੇਜਰ ਕਰਾਈਮ ਸੈਕਸ਼ਨ ਦੇ ਐਕਟਿੰਗ ਅਫ਼ਸਰ ਇਨ ਚਾਰਜ, ਸੰਜੈ ਵਿਜੈਕੂਨ ਦਾ ਕਹਿਣਾ ਸੀ ਕਿ ਕਤਲ ਦੀ ਇਹ ਵਾਰਦਾਤ ਗੈਂਗ ਅਤੇ ਡਰੱਗਸ ਸੰਬੰਧੀ ਗਤੀਵਿਧੀਆਂ ਨਾਲ ਜੁੜੀ ਮੰਨੀ ਜਾ ਰਹੀ ਹੈ।
