18.44C Vancouver 18.44C VancouverApr 30, 2021 5:25 PM -
ਇਜ਼ਰਾਈਲ ਵਿੱਚ ਇੱਕ ਧਾਰਮਿਕ ਸਮਾਗਮ ਦੌਰਾਨ ਹੋਈ ਭਗਦੜ 'ਚ ਜਾਨ ਗਵਾਉਣ ਵਾਲੇ ਲੋਕਾਂ 'ਚ 2 ਕਨੇਡੀਅਨਸ ਵੀ ਸ਼ਾਮਿਲ ਸਨ।
ਦੋਨਾਂ ਲੋਕਾਂ ਨੂੰ ਮੌਂਟਰੀਅਲ ਦੇ ਵਸਨੀਕ ਦੱਸਿਆ ਗਿਆ ਹੈ।
ਇਸ ਘਟਨਾ 'ਚ ਘਟੋ-ਘੱਟ 45 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 150 ਲੋਕਾਂ ਦੇ ਗੰਭੀਰ ਜ਼ਖਮੀ ਹੋਣ ਬਾਰੇ ਦੱਸਿਆ ਗਿਆ ਹੈ।
ਮੌਂਟਰੀਅਲ 'ਚ ਸਥਿਤ ਇਜ਼ਰਾਇਲੀ ਕੌਂਸੂਲੇਟ ਨੇ ਇੱਕ ਮ੍ਰਿਤਕ ਦੀ ਪਛਾਣ ਸ਼ਰਾਘਾ ਗੈਸਟੇਟਨਰ ਵਜੋਂ ਕੀਤੀ ਹੈ।
ਪੀੜਤ ਨੂੰ ਇੱਕ ਨਾਮੀ ਗਾਇਕ ਦੱਸਿਆ ਗਿਆ ਹੈ।
ਦੂਜੇ ਪੀੜਤ ਦਾ ਨਾਮ ਡੋਵੀ ਸਟੇਨਮੇਟਸ ਦੱਸਿਆ ਗਿਆ।
ਮੌਂਟਰੀਅਲ ਦੀ ਮੇਅਰ ਵੈਲਰੀ ਪਲਾਂਟ ਨੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਉਹ ਇਸ ਦੁੱਖ ਦੀ ਘੜੀ 'ਚ ਪੀੜਤ ਪਰਿਵਾਰਾਂ ਦੇ ਨਾਲ ਹਨ।
ਯਾਦ ਰਹੇ ਇਜ਼ਰਾਈਲ 'ਚ ਹੋਣ ਵਾਲਾ ਇਹ ਧਾਰਮਿਕ ਸਮਾਗਮ ਦੇਸ਼ 'ਚ ਹਟਾਈਆਂ ਗਈਆਂ ਕੋਰੋਨਾ ਵਾਇਰਸ ਸੰਬੰਧੀ ਪਬੰਦੀਆਂ ਤੋਂ ਬਾਅਦ ਪਹਿਲਾ ਵੱਡਾ ਧਾਰਮਿਕ ਸਮਾਗਮ ਸੀ।
ਇਸ ਦੌਰਾਨ ਹਜ਼ਾਰਾਂ ਦੀ ਗਿਣਤੀ 'ਚ ਸ਼ਰਧਾਲੂ ਇਕੱਤਰ ਹੋਏ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵੀ ਇਸ ਮੌਕੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
