10.86C Vancouver 10.86C VancouverJan 19, 2022 1:45 AM - The Canadian Press
ਨਿਊ ਵੈਸਟਮਿਨਸਟਰ 'ਚ ਸੋਮਵਾਰ ਰਾਤ ਹੋਏ ਝਗੜੇ ਦੌਰਾਨ 2 ਲੋਕਾਂ 'ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ।
ਦੋਵਾਂ ਨੂੰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਘਟਨਾ ਕੋਲੰਬੀਆ ਸਟ੍ਰੀਟ ਸਕਾਈਟਰੇਨ ਸਟੇਸ਼ਨ ਕੋਲ ਵਾਪਰੀ।
ਪੁਲਿਸ ਨੇ ਆਖਿਆ ਕਿ 2 ਗਰੁੱਪਾਂ ਵਿਚਾਲੇ ਝਗੜਾ ਹੋਇਆ ਸੀ।
ਘਟਨਾ ਰਾਤ ਕਰੀਬ 10 ਵਜੇ ਵਾਪਰੀ।
ਝਗੜੇ 'ਚ ਕਰੀਬ ਇੱਕ ਦਰਜਨ ਲੋਕ ਸ਼ਾਮਿਲ ਦੱਸੇ ਗਏ ਹਨ।
ਪੁਲਿਸ ਨੇ ਦੱਸਿਆ ਕਿ ਗਰੁੱਪ ਇੱਕ-ਦੂਜੇ ਤੋਂ ਵਾਕਫ ਨਹੀਂ ਸਨ ਅਤੇ ਘਟਨਾ ਗੈਂਗ ਹਿੰਸਾ ਨਾਲ ਸੰਬੰਧਤ ਨਹੀਂ ਸੀ।
ਪੁਲਿਸ ਅਨੁਸਾਰ ਘਟਨਾ 'ਚ ਸ਼ਾਮਿਲ ਲੋਕਾਂ ਦੀ ਉਮਰ 25 ਸਾਲ ਦੇ ਆਲੇ-ਦੁਆਲੇ ਦੀ ਸੀ।
ਦੋਵਾਂ ਜਖਮੀਆਂ ਨੂੰ ਗੰਭੀਰ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ।
ਘਟਨਾ ਤੋਂ ਬਾਅਦ ਜਾਂਚ ਦੌਰਾਨ ਕੋਲੰਬੀਆ ਸਟ੍ਰੀਟ 'ਤੇ ਕੁਝ ਸਮੇਂ ਲਈ ਆਵਾਜਾਈ ਪ੍ਰਭਾਵਿਤ ਹੋਈ ਸੀ।
