16.09C Vancouver 16.09C VancouverMar 13, 2021 1:16 AM -
ਬੀ.ਸੀ. 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਪ੍ਰੋਵਿੰਸ਼ੀਅਲ ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਮੈਟਰੋ ਵੈਨਕੂਵਰ ਦੇ 2 ਅਫ਼ਸਰਾਂ ਖਿਲਾਫ਼ ਹਮਲੇ ਦੇ ਦੋਸ਼ਾਂ ਨੂੰ ਮਨਜ਼ੂਰ ਕਰ ਦਿੱਤਾ ਹੈ।
ਮਾਮਲਾ ਅਕਤੂਬਰ 2019 ਨਾਲ ਜੁੜੀ ਇੱਕ ਚੋਰੀ ਹੋਏ ਵਾਹਨ ਦੀ ਜਾਂਚ ਨਾਲ ਸੰਬੰਧਤ ਹੈ।
ਪੁਲਿਸ ਨੇ ਇੱਕ ਨਿਊਜ਼ ਰਿਲੀਜ 'ਚ ਦੱਸਿਆ ਕਿ ਸਰੀ ਆਰ.ਸੀ.ਐਮ.ਪੀ. ਦੀ ਆਟੋ ਕਰਾਈਮ ਟਾਰਗੈਟ ਟੀਮ (Auto Crime Target Team) ਨੇ ਇੱਕ ਵਿਅਕਤੀ ਨੂੰ ਚੋਰੀ ਕੀਤਾ ਵਾਹਨ 'ਚ ਜਾਂਦੇ ਵੇਖਿਆ। ਵਾਹਨ ਨੂੰ ਰੋਕਿਆ ਗਿਆ ਅਤੇ ਚਾਲਕ ਨੂੰ ਰਿਚਮੰਡ 'ਚ ਗ੍ਰਿਫਤਾਰ ਕੀਤਾ ਗਿਆ।
ਪਰ ਕਥਿਤ ਤੌਰ 'ਤੇ ਗ੍ਰਿਫਤਾਰੀ ਦੌਰਾਨ ਚਾਲਕ 'ਤੇ ਹਮਲਾ ਕੀਤਾ ਗਿਆ ਸੀ।
ਮਾਮਲੇ 'ਚ ਸਰੀ ਡਿਟੈਚਮੈਂਟ ਦੇ ਕਾਂਸਟੇਬਲ ਜੌਨ ਸੋਨੋਸ (Const. John Tsonos) ਅਤੇ ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਕਾਂਸਟੇਬਲ ਮੈਥਿਊ ਮੈਕਗੁਆਇਰ (Const. Mathew McGuire) 'ਤੇ ਦੋਸ਼ ਲੱਗੇ ਹਨ।
ਸੋਨੋਸ ਨੂੰ ਤਨਖਾਹ 'ਤੇ ਰਹਿੰਦਿਆਂ ਸਸਪੈਂਡ ਕੀਤਾ ਗਿਆ ਹੈ, ਜਦਕਿ ਮੈਕਗੁਆਇਰ ਨੂੰ ਐਡਮਿਨਿਸਟ੍ਰੇਟਿਵ ਜ਼ਿੰਮੇਵਾਰੀਆਂ 'ਤੇ ਰੱਖਿਆ ਗਿਆ ਹੈ।
ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਟਵੀਟ:
#Surrey #RichmondBC - BC RCMP investigation results in two police officers being charged in 2019 incident
