14.72C Vancouver 14.72C VancouverJan 19, 2022 8:18 PM - The Canadian Press
ਬੀ.ਸੀ. ਦੇ 2 ਹੋਰ ਸਕੂਲਾਂ 'ਤੇ ਕਮਿਊਨਿਟੀ 'ਚ ਫੈਲ ਰਹੇ ਕੋਵਿਡ-19 ਦੇ ਮਾਮਲਿਆਂ ਦਾ ਅਸਰ ਪਿਆ ਹੈ।
ਐਬਟਸਫੋਰਡ 'ਚ 2 ਸਕੂਲਾਂ ਨੂੰ ਟੈਂਪਰੇਰੀ ਪੱਧਰ 'ਤੇ ਬੰਦ ਕਰਨਾ ਪਿਆ ਹੈ।
ਐਬਟਸਫੋਰਡ ਸਕੂਲ ਡਿਸਟ੍ਰਿਕਟ ਨੇ ਮੰਗਲਵਾਰ ਰਾਤ ਇੱਕ ਨੋਟਿਸ ਜਾਰੀ ਕਰ ਦੱਸਿਆ ਕਿ ਡਬਲਿਊ.ਜੇ. ਮਾਉਟ ਸੈਕੰਡਰੀ ਅਤੇ ਯੇਲ ਸੈਕੰਡਰੀ ਨੂੰ ਇਸ ਹਫ਼ਤੇ ਇਨ-ਪਰਸਨ ਪੜ੍ਹਾਈ ਲਈ ਬੰਦ ਰੱਖਿਆ ਜਾਵੇਗਾ।
ਦੋਵਾਂ ਸਕੂਲਾਂ ਦੇ ਸੋਮਵਾਰ ਨੂੰ ਖੁੱਲ੍ਹਣ ਦੀ ਉਮੀਦ ਹੈ।
ਡਿਸਟ੍ਰਿਕਟ ਨੇ ਇਹ ਨਹੀਂ ਦੱਸਿਆ ਕਿ ਸਕੂਲਾਂ ਦੇ ਬੰਦ ਹੋਣ ਪਿੱਛੇ ਮੁੱਖ ਕਾਰਨ ਕੀ ਸੀ ਪਰ ਇਹ ਜਰੂਰ ਦੱਸਿਆ ਗਿਆ ਕਿ ਅਜਿਹਾ ਆਪਰੇਸ਼ਨਲ ਲਿਮਿਟੇਸ਼ਨ ਕਾਰਨ ਕੀਤਾ ਗਿਆ ਹੈ।
ਯਾਦ ਰਹੇ ਬੀਤੇ ਕੁਝ ਦਿਨਾਂ ਵਿੱਚ ਬੀ.ਸੀ. ਦੇ ਕੁਝ ਹੋਰ ਸਕੂਲਾਂ ਨੂੰ ਵੀ ਸਟਾਫ਼ ਸ਼ੌਰਟੇਜਿਸ ਵਿਚਾਲੇ ਬੰਦ ਕੀਤਾ ਗਿਆ ਹੈ।
ਹਾਲਾਂਕਿ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਕਰੀਬ 1,600 ਸਕੂਲ ਹਨ ਅਤੇ ਇਸ 'ਚ ਕੁਝ ਕੁ ਸਕੂਲਾਂ 'ਚ ਸਟਾਫ਼ ਦੀ ਕਮੀ ਕਾਰਨ ਫੰਕਸ਼ਨਲ ਕਲੋਜ਼ਰ ਹੋਣਾ ਚਿੰਤਾ ਦਾ ਵਿਸ਼ਾ ਨਹੀਂ ਸਮਝਿਆ ਜਾਣਾ ਚਾਹੀਦਾ।
