17.8C Vancouver 17.8C VancouverJun 21, 2022 8:28 PM - The Canadian Press
ਵੈਨਕੂਵਰ ਪੁਲਿਸ ਦੇ 2 ਅਫਸਰਾਂ ਨੂੰ ਔਟਵਾ 'ਚ ਹੋਏ 'ਫਰੀਡਮ ਕਾਨਵਾਈ' ਪ੍ਰਦਰਸ਼ਨਾਂ ਦੌਰਾਨ ਲਏ ਐਕਸ਼ਨਸ ਲਈ ਕਿਸੇ ਵੀ ਗਲਤ ਕਾਰਵਾਈ ਤੋਂ ਕਲੀਅਰ ਕਰ ਦਿੱਤਾ ਗਿਆ ਹੈ।
ਇਨ੍ਹਾਂ ਅਫਸਰਾਂ ਨੇ ਔਟਵਾ 'ਚ ਪੁਲਿਸ ਦੀ ਮਦਦ ਕੀਤੀ ਸੀ ਕਿ ਪ੍ਰਦਰਸ਼ਨਾਂ 'ਤੇ ਕਾਬੂ ਪਾਇਆ ਜਾ ਸਕੇ।
ਔਂਟੈਰੀਓ ਦੀ ਪੁਲਿਸ ਨਾਲ ਸੰਬੰਧਤ ਕਾਰਵਾਈ ਦੌਰਾਨ ਹੋਈ ਮੌਤ, ਕਿਸੇ ਦੇ ਜਖਮੀ ਹੋਣ ਜਾਂ ਜਿਨਸੀ ਹਮਲੇ ਸੰਬੰਧੀ ਜਾਂਚ ਕਰਨ ਵਾਲੀ ਏਜੈਂਸੀ ਸਪੈਸ਼ਲ ਇਨਵੈਸਟੀਗੇਸ਼ਨਸ ਯੂਨਿਟ ਵੱਲੋਂ ਇਨ੍ਹਾਂ ਅਫਸਰਾਂ ਸੰਬੰਧੀ ਜਾਂਚ ਕੀਤੀ ਗਈ ਸੀ।
ਕਥਿਤ ਤੌਰ 'ਤੇ ਅਫਸਰਾਂ ਨੇ 2 ਪ੍ਰਦਰਸ਼ਨਕਾਰੀਆਂ ਖਿਲਾਫ ਰਬਰ ਬੁਲੈਟਸ, ਬੀਨ ਬੈਗਸ ਅਤੇ ਪੈਪਰ ਸਪਰੇ ਦੀ ਵਰਤੋਂ ਕੀਤੀ ਸੀ।
ਯੂਨਿਟ ਦੇ ਡਾਇਰੈਕਟਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਕੋਈ ਸਾਰਥਕ ਵਜ੍ਹਾ ਨਹੀਂ ਮਿਲੀ ਜਿਸ ਕਾਰਨ ਲੱਗੇ ਕਿ ਅਫਸਰਾਂ ਨੇ ਪ੍ਰਦਰਸ਼ਨਕਾਰੀਆਂ ਖਿਲਾਫ ਗੈਰਕਨੂੰਨੀ ਢੰਗ ਵਰਤੇ ਸਨ।
ਇੱਕ ਵਿਅਕਤੀ ਦੀ ਲੱਤ 'ਚ ਸੱਟ ਲੱਗਣ ਦੀ ਜਾਣਕਾਰੀ ਦਿੱਤੀ ਗਈ ਪਰ ਜਾਂਚ 'ਚ ਦੱਸਿਆ ਗਿਆ ਕਿ ਅਫਸਰਾਂ ਨੇ ਵਾਜਿਬ ਅਤੇ ਜਾਇਜ ਪੁਲਿਸ ਤਾਕਤ ਦੀ ਵਰਤੋਂ ਕੀਤੀ ਸੀ।
