11.35C Vancouver 11.35C VancouverDec 9, 2020 2:41 AM -
ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਦਾ ਕਹਿਣਾ ਹੈ ਕਿ ਵੈਨਕੂਵਰ ਪੁਲਿਸ ਦੇ 2 ਅਫ਼ਸਰਾਂ 'ਤੇ ਇੱਕ ਗ੍ਰਿਫਤਾਰੀ ਦੌਰਾਨ ਕੀਤੀ ਗਈ ਕਾਰਵਾਈ 'ਚ ਹਮਲੇ ਦੇ ਦੋਸ਼ ਲੱਗੇ ਹਨ।
ਕਰੀਬ 3 ਸਾਲ ਪਹਿਲਾਂ ਵੈਨਕੂਵਰ 'ਚ ਇੱਕ ਸਿਆਹ ਰੰਗ ਦੇ ਵਿਅਕਤੀ 'ਤੇ ਕੀਤੀ ਪੁਲਿਸ ਦੀ ਕਾਰਵਾਈ ਦੇ ਮਾਮਲੇ 'ਚ ਅਸਾਲਟ ਯਾਨੀ ਕਿ ਹਮਲੇ ਦੇ ਦੋਸ਼ ਲੱਗੇ ਹਨ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਦੇ ਜੈਰਡ ਸਿੱਧੂ 'ਤੇ ਹਥਿਆਰ ਨਾਲ ਹਮਲੇ ਦਾ ਦੋਸ਼ ਲੱਗਿਆ ਹੈ, ਜਦਕਿ ਕਾਂਸਟੇਬਲ ਜਸਪ੍ਰੀਤ ਘੁੰਮਣ 'ਤੇ ਹਮਲੇ ਦਾ ਦੋਸ਼ ਲਗਾਇਆ ਗਿਆ ਹੈ।
ਘਟਨਾ ਫਰਵਰੀ 2018 'ਚ ਵਾਪਰੀ ਸੀ।
ਯੂ.ਬੀ.ਸੀ. ਦੇ ਇੱਕ ਫੁਟਬਾਲ ਖਿਡਾਰੀ, ਜੇਮੀਅਲ ਮੂਰ ਵਿਲੀਅਮਸ ਨੂੰ ਗ੍ਰਿਫਤਾਰ ਕਰਦੇ ਹੋਏ ਸਟੰਨ ਗਨ ਵਰਤੀ ਗਈ ਸੀ।
ਇਸ ਵਿਅਕਤੀ ਨੂੰ ਕਥਿਤ ਤੌਰ 'ਤੇ ਜੇ-ਵਾਕਿੰਗ ਲਈ ਰੋਕਿਆ ਗਿਆ ਸੀ।
ਆਰ.ਸੀ.ਐਮ.ਪੀ. ਵੱਲੋਂ ਜਾਂਚ ਤੋਂ ਬਾਅਦ ਕੋਈ ਦੋਸ਼ ਨਾ ਲਗਾਏ ਜਾਣ ਤੋਂ ਬਾਅਦ, ਪੁਲਿਸ ਕੰਪਲੇਂਟ ਕਮਿਸ਼ਨਰ ਨੇ ਮਾਮਲਾ ਪ੍ਰਾਸੀਕਿਊਸ਼ਨ ਸਰਵਿਸ ਨੂੰ ਸੌਂਪਿਆ ਸੀ।
