17.42C Vancouver 17.42C VancouverApr 7, 2021 5:22 PM -
ਬੀ.ਸੀ. ਆਰ.ਸੀ.ਐਮ.ਪੀ. ਨੇ ਸਿਕਾਮਸ ਦੇ ਇਲਾਕੇ 'ਚ ਇੱਕ ਗੰਭੀਰ ਆਹਮੋ-ਸਾਹਮਣੇ ਦੀ ਟੱਕਰ ਦੀ ਜਾਣਕਾਰੀ ਦਿੱਤੀ ਹੈ।
ਘਟਨਾ 'ਚ 2 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ ਸਿਕਾਮਸ ਤੋਂ ਕਰੀਬ 7km ਦੀ ਦੂਰੀ 'ਤੇ ਹਾਈਵੇਅ 1 'ਤੇ ਵਾਪਰੀ।
ਮੰਗਲਵਾਰ ਦੁਪਹਿਰ ਕਰੀਬ 1 ਵਜੇ ਘਟਨਾ ਵਾਪਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਇੱਕ 73 ਸਾਲਾ ਵਿਅਕਤੀ ਇੱਕ ਪਿਕਅਪ ਟਰੱਕ 'ਚ ਜਾਂਦੇ ਹੋਏ ਮੱਧ ਰੇਖਾ ਨੂੰ ਪਾਰ ਕਰ ਗਿਆ ਸੀ ਅਤੇ ਫਿਰ ਸਾਹਮਣੇ ਤੋਂ ਆਉਂਦੀ ਗੱਡੀ 'ਚ ਟੱਕਰ ਹੋ ਗਈ।
ਇਸ ਗੱਡੀ ਨੂੰ ਇੱਕ 46 ਸਾਲਾ ਔਰਤ ਚਲਾ ਰਹੀ ਸੀ।
ਪੁਲਿਸ ਅਨੁਸਾਰ ਮੌਕੇ 'ਤੇ ਪਹੁੰਚਣ 'ਤੇ ਦੋਵਾਂ ਨੂੰ ਮ੍ਰਿਤ ਪਾਇਆ ਗਿਆ।
ਪੀੜਤ ਔਰਤ ਨੂੰ ਸੈਲਮਨ ਆਰਮ ਇਲਾਕੇ ਦੀ ਦੱਸਿਆ ਗਿਆ ਹੈ।
ਪੀੜਤ ਆਦਮੀ ਸਿਕਾਮਸ ਦਾ ਨਿਵਾਸੀ ਦੱਸਿਆ ਗਿਆ।
ਵਾਹਨਾਂ 'ਚ ਹੋਰ ਕੋਈ ਸਵਾਰ ਨਹੀਂ ਸੀ।
ਸੜਕ ਅਤੇ ਮੌਸਮ ਨੂੰ ਘਟਨਾ 'ਚ ਕਾਰਨ ਨਹੀਂ ਦੱਸਿਆ ਗਿਆ ਹੈ।
ਜਾਂਚ ਦੌਰਾਨ ਹਾਈਵੇਅ 1 ਨੂੰ ਕਈ ਘੰਟੇ ਤਕ ਬੰਦ ਰੱਖਿਆ ਗਿਆ ਸੀ।
