18.06C Vancouver 18.06C VancouverFeb 24, 2021 9:37 PM -
ਬੀ.ਸੀ. 'ਚ ਫਰੇਜ਼ਰ ਲੇਕ ਅਤੇ ਵੈਂਡਰਹੂਫ ਵਿਚਾਲੇ ਹਾਈਵੇਅ 16 'ਤੇ ਇੱਕ ਭਿਆਨਕ ਕ੍ਰੈਸ਼ ਵਾਪਰਿਆ ਹੈ।
ਘਟਨਾ ਦੌਰਾਨ 2 ਗੱਡੀਆਂ ਦੀ ਆਹਮੋ-ਸਾਹਮਣੇ ਦੀ ਟੱਕਰ ਹੋ ਗਈ ਹੈ।
ਘਟਨਾ 'ਚ ਵੈਨਕੂਵਰ ਦੇ ਇਲਾਕੇ ਦੇ ਇੱਕ 40 ਤੋਂ 50 ਸਾਲ ਦੇ ਦਰਮਿਆਨ ਦੀ ਉਮਰ ਦੇ ਵਿਅਕਤੀ ਨੇ ਜਾਨ ਗਵਾ ਦਿੱਤੀ ਹੈ।
ਮਾਮਲਾ ਸੋਮਵਾਰ ਦੁਪਹਿਰ ਦਾ ਦੱਸਿਆ ਗਿਆ ਹੈ।
ਇਸ ਘਟਨਾ 'ਚ ਐਲਬਰਟਾ ਦੇ ਇੱਕ 20 ਸਾਲਾ ਯੁਵਕ ਨੂੰ ਸੱਟਾਂ ਲੱਗੀਆਂ ਹਨ।
ਜਾਣਕਾਰੀ ਅਨੁਸਾਰ ਘਟਨਾ ਉਸ ਵੇਲੇ ਵਾਪਰੀ, ਜਦ ਐਲਬਰਟਾ ਦਾ ਯੁਵਕ ਆਪਣੇ ਪਿਕ-ਅਪ ਟਰੱਕ 'ਚ ਇੱਕ ਟਰੱਕ ਨੂੰ ਓਵਰਟੇਕ ਕਰ ਰਿਹਾ ਸੀ ਤੇ ਇਸ ਦੌਰਾਨ ਉਹ ਸਾਹਮਣੇ ਤੋਂ ਆਉਂਦੀ ਪੀੜਤ ਦੀ ਗੱਡੀ ਨਾਲ ਟਕਰਾ ਗਿਆ।
ਘਟਨਾ ਤੋਂ ਬਾਅਦ ਦੋਨਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਮੈਟਰੋ ਵੈਨਕੂਵਰ ਦੇ ਵਿਅਕਤੀ ਨੇ ਦਮ ਤੋੜ ਦਿੱਤਾ।
ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਕੋਲ ਕੋਈ ਡੈਸ਼ਕੈਮ ਫੁਟੇਜ ਹੈ ਜਾਂ ਜਾਣਕਾਰੀ ਹੈ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
