ਐਲਬਰਟਾ ਦੇ ਵੇਟਾਸਕੀਵਿਨ 'ਚ ਇਕ ਵਿਅਕਤੀ ਦੀ ਮੌਤ ਦੇ ਮਾਮਲੇ 'ਚ ਦੋ ਲੋਕਾਂ ਨੂੰ ਕੀਤਾ ਗਿਆ ਗ੍ਰਿਫ਼ਤਾਰ

ਐਡਮਿੰਟਨ ਦੇ ਦੱਖਣ ਵਿੱਚ ਵੇਟਾਸਕੀਵਿਨ ਵਿੱਚ ਘਰ ਨੂੰ ਲੱਗੀ ਅੱਗ ‘ਚ ਇੱਕ 67 ਸਾਲਾ ਵਿਅਕਤੀ ਦੀ ਹੋਈ ਮੌਤ ਦੇ ਦੋਸ਼ਾਂ ਤਹਿਤ ਦੋ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜਾਣਕਾਰੀ ਮੁਤਾਬਕ 15 ਦਸੰਬਰ 2024 ਨੂੰ ਸਵੇਰੇ 5.12 ਵਜੇ ਦੇ ਕਰੀਬ ਵੇਟਾਸਕੀਵਿਨ ਵਿੱਚ 15 ਐਵੇਨਿਊ ਅਤੇ 45 ਸਟ੍ਰੀਟ ‘ਤੇ ਅੱਗ ਨਾਲ ਸੜੇ ਘਰ ਦੇ ਮਲਬੇ ਵਿੱਚੋਂ ਐਂਮਰਜੈਂਸੀ ਅਮਲੇ ਨੇ ਡੋਨਾਲਡ ਰੌਬਰਟ ਦੀ ਲਾਸ਼ ਨੂੰ ਕੱਢਿਆ।

ਰੌਬਰਟ ਦੀ ਮੌਤ ਨੂੰ ਸ਼ੱਕੀ ਮੰਨਦੇ ਹੋਏ ਪੁਲਿਸ ਨੇ ਜਾਂਚ ਨੂੰ ਅੱਗੇ ਵਧਾਇਆ। ਇਸ ਜਾਂਚ ਤੋਂ ਬਾਅਦ ਰੌਬਰਟ ਦੀ ਮੌਤ ਵਿੱਚ ਦੋਸ਼ੀ ਮੰਨੇ ਗਏ ਇੱਕ ਕਿਸ਼ੋਰ ਲੜਕੇ ਅਤੇ ਲੜਕੀ ਨੂੰ ਬੁੱਧਵਾਰ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ।

ਯੁਵਾ ਅਪਰਾਧਿਕ ਨਿਆਂ ਐਕਟ ਦੇ ਤਹਿਤ ਦੋਵੇਂ ਕਿਸ਼ੋਰ ਦੋਸ਼ੀਆਂ ਦਾ ਨਾਮ ਜਨਤਕ ਨਹੀਂ ਕੀਤਾ ਗਿਆ। ਉਨ੍ਹਾਂ ਦੀ ਪੇਸ਼ੀ ਵੀਰਵਾਰ ਨੂੰ ਵੇਟਾਸਕੀਵਿਨ ਦੀ ਅਦਾਲਤ ਵਿੱਚ ਹੈ।