18.93C Vancouver 18.93C VancouverSep 28, 2020 8:41 PM -
ਇਨਟਰਨੈਸ਼ਨਲ ਟਰੇਡ ਮਿਨਿਸਟਰ ਮੈਰੀ ਇੰਗ ਦਾ ਕਹਿਣਾ ਹੈ ਕਿ ਉਹ ਕਾਫੀ ਨਿਰਾਸ਼ ਹਨ ਕਿ ਸੌਫ਼ਟਵੁੱਡ ਲੰਬਰ ਡੀਊਟੀਜ਼ ਉੱਤੇ ਅਮਰੀਕਾ ਨੇ ਵਰਲਡ ਟਰੇਡ ਔਰਗੇਨਾਈਜ਼ੇਸ਼ਨ ਦੀ ਰੂਲਿੰਗ ਖਿਲਾਫ਼ ਅਪੀਲ ਕਰਨ ਦਾ ਫੈਸਲਾ ਲਿਆ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਅਮਰੀਕਾ ਇਹ ਗੱਲ ਨਾਮੁਮਕਿਨ ਬਣਾ ਰਿਹਾ ਹੈ ਕਿ ਅਪੀਲ ਸੁਣੀ ਵੀ ਜਾਵੇ।
ਜ਼ਿਕਰਯੋਗ ਹੈ ਕਿ ਅਗਸਤ ਵਿਚ ਵਰਲਡ ਟਰੇਡ ਔਰਗੇਨਾਈਜ਼ੇਸ਼ਨ ਨੇ ਫੈਸਲਾ ਦਿੱਤਾ ਸੀ ਕੈਨੇਡੀਅਨ ਸੌਫਟਵੁੱਡ 'ਤੇ ਅਮਰੀਕਾ ਦੀਆਂ ਇਮਪੋਰਟ ਡੀਊਟੀਜ਼, ਕੌਮਾਂਤਰੀ ਟਰੇਡਿੰਗ ਨਿਯਮਾਂ ਦੀ ਉਲੰਘਣਾ ਕਰਦੀਆਂ ਹਨ। ਇਸ ਵਿਚ ਕਿਹਾ ਗਿਆ ਸੀ ਕਿ ਅਮਰੀਕਾ ਇਹ ਗੱਲ ਸਾਬਿਤ ਨਹੀਂ ਕਰ ਸਕਿਆ ਹੈ ਕਿ ਕੈਨੇਡਾ ਵੱਲੋਂ ਆਪਣੀ ਸਰਕਾਰੀ ਜ਼ਮੀਨ ਤੋਂ ਆ ਰਹੀ ਲੰਬਰ ਲਈ ਘੱਟ ਕੀਮਤ ਲੈਕੇ ਇਸ ਨੂੰ ਗਲਤ ਤਰੀਕੇ ਦੇ ਨਾਲ ਸਬਸੀਡਾਇਜ਼ ਕੀਤਾ ਜਾ ਰਿਹਾ ਹੈ।
ਇੰਗ ਦਾ ਕਹਿਣਾ ਹੈ ਕਿ ਅਪੀਲ ਕਰਨ ਦਾ ਅਮਰੀਕਾ ਦਾ ਫੈਸਲਾ ਉਲਝਾਉਣ ਵਾਲਾ ਹੈ ਕਿਉਂਕਿ ਪਹਿਲਾਂ ਇਸ ਸਾਲ ਦੌਰਾਨ ਅਮਰੀਕਾ ਨੇ ਵਰਲਡ ਟਰੇਡ ਔਰਗੇਨਾਈਜ਼ੇਸ਼ਨ ਅਪੀਲ ਬੌਡੀ ਦੀ ਲੋੜ 'ਤੇ ਸਵਾਲ ਚੁੱਕੇ ਸਨ।
