14.97C Vancouver 14.97C VancouverDec 2, 2024 2:29 PM - The Canadian Press
ਕੈਨੇਡੀਅਨ ਪੋਸਟਲ ਵਰਕਰ ਦੀ ਹੜਤਾਲ ਦੇ ਮੱਦੇਨਜ਼ਰ ਅਮਰੀਕੀ ਡਾਕ ਸੇਵਾ ਨੇ ਕੈਨੇਡਾ ਜਾਣ ਵਾਲੀਆਂ ਮੇਲ ਲੈਣੀਆਂ ਸਸਪੈਂਡ ਕਰ ਦਿੱਤੀਆਂ ਹਨ ਅਤੇ ਗ੍ਰਾਹਕਾਂ ਨੂੰ ਅਗਲੀ ਸੂਚਨਾ ਤੱਕ ਕੈਨੇਡਾ ਲਈ ਮੇਲ ਆਈਟਮਾਂ ਨਾ ਭੇਜਣ ਲਈ ਕਿਹਾ ਹੈ। ਪਿਛਲੇ ਦੋ ਹਫ਼ਤੇ ਤੋਂ ਕੈਨੇਡਾ ਪੋਸਟ ਦੇ ਕਰੀਬ 55,000 ਪੋਸਟਲ ਵਰਕਰ ਹੜਤਾਲ ’ਤੇ ਹਨ।
ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਉਸ ਨੇ ਅਗਲੇ ਵਿਅਸਤ ਛੁੱਟੀਆਂ ਦੇ ਮੌਸਮ ਨੂੰ ਦੇਖਦੇ ਹੋਏ ਯੂਨੀਅਨ ਨੂੰ ਗੱਲਬਾਤ ਜ਼ਰੀਏ ਸਮਝੌਤੇ ’ਤੇ ਪਹੁੰਚਣ ਲਈ ਇੱਕ ਫਰੇਮਵਰਕ ਪੇਸ਼ ਕੀਤਾ ਹੈ।
ਇਸ ਵਿਚ ਯੂਨੀਅਨ ਨੂੰ ਡਿਲਿਵਰੀ ਮੋਡਲ ਵਿਚ ਵਧੇਰੇ ਫਲੈਕਸੀਬਿਲਟੀ ਦੀ ਪੇਸ਼ਕਸ਼ ਕੀਤੀ ਗਈ ਹੈ, ਨਾਲ ਹੀ ਹੋਰ ਪ੍ਰਮੁੱਖ ਮੁੱਦਿਆਂ ’ਤੇ ਅੱਗੇ ਵਧਣ ਦਾ ਭਰੋਸਾ ਦਿੱਤਾ ਗਿਆ ਹੈ।
ਪੋਸਟਲ ਵਰਕਰ ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਦੇ ਵਾਰਤਾਕਾਰ ਪ੍ਰਸਤਾਵ ਦਾ ਰਿਵਿਊ ਕਰ ਰਹੇ ਹਨ। ਕੈਨੇਡਾ ਪੋਸਟ ਦਾ ਕੰਮਕਾਜ ਰੁਕਣ ਕਾਰਨ ਕਈ ਕਾਰੋਬਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਹੋਰ ਚੈਨਲ ਜ਼ਰੀਏ ਪਾਰਸਲ ਡਿਲਿਵਰੀ ਦੀ ਲਾਗਤ ਵਧ ਗਈ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਨੁਕਸਾਨ ਹੋ ਰਿਹਾ ਹੈ ਅਤੇ ਇਸ ਨਾਲ ਉਨ੍ਹਾਂ ਦੀ ਵਿਕਰੀ ਵੀ ਪ੍ਰਭਾਵਿਤ ਹੋ ਰਹੀ ਹੈ।
