ਕੈਨੇਡੀਅਨ ਜੰਗਲੀ ਅੱਗ ਕਾਰਨ ਫੇਫੜੇ ਅਤੇ ਦਿਲ ਦੇ ਰੋਗਾਂ ਲਈ ਡਾਕਟਰ ਦੇ ਜਾਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਿਚ ਵਾਧਾ

ਕੈਨੇਡੀਅਨ ਜੰਗਲੀ ਅੱਗ ਕਾਰਨ ਅਮਰੀਕਾ ਵਿਚ ਹਜ਼ਾਰਾਂ ਕਿਲੋਮੀਟਰ ਦੂਰ ਫੇਫੜੇ ਅਤੇ ਦਿਲ ਦੇ ਰੋਗਾਂ ਲਈ ਡਾਕਟਰ ਦੇ ਜਾਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਿਚ ਵਾਧਾ ਹੋਇਆ ਹੈ। ਅਮਰੀਕੀ ਖੋਜਕਾਰ ਨੇ ਸ਼ੁੱਕਰਵਾਰ ਨੂੰ ਇਸ ਸਬੰਧੀ ਇੱਕ ਰਿਪੋਰਟ ਵਿਚ ਇਹ ਦਾਅਵਾ ਕੀਤਾ।

ਰਿਪੋਰਟ ਮੁਤਾਬਕ, ਪੱਛਮੀ ਕੈਨੇਡਾ ਤੋਂ ਜੰਗਲੀ ਅੱਗ ਦੇ ਧੂੰਏ ਨਾਲ ਬਾਲਟੀਮੋਰ ਖੇਤਰ ਵਿਚ ਦਿਲ ਅਤੇ ਫੇਫੜੇ ਦੀ ਸਮੱਸਿਆਵਾਂ ਲਈ ਡਾਕਟਰ ਕੋਲ ਜਾਣ ਵਾਲੇ ਲੋਕਾਂ ਦੀ ਗਿਣਤੀ ਵਿਚ ਲਗਭਗ 20 ਫੀਸਦੀ ਵਾਧਾ ਹੋਇਆ ਹੈ।

ਮੈਰੀਲੈਂਡ ਯੂਨੀਵਰਸਿਟੀ ਨੇ ਜੂਨ 2023 ਵਿਚ ਛੇ ਅਜਿਹੇ ਦਿਨਾਂ ਦੀ ਪਛਾਣ ਕਰਨ ਦਾ ਦਾਅਵਾ ਕੀਤਾ ਜਦੋਂ ਪੱਛਮੀ ਕੈਨੇਡਾ ਤੋਂ ਜੰਗਲੀ ਅੱਗ ਦੇ ਧੂੰਏ ਨਾਲ ਸਬੰਧਤ ਪ੍ਰਦੂਸ਼ਣ ਸਭ ਤੋਂ ਜ਼ਿਆਦਾ ਸੀ ਅਤੇ ਯੂਨੀਵਰਸਿਟੀ ਰਿਸਰਚਰਸ ਨੇ ਇਸ ਨੂੰ ਬਾਲਟੀਮੋਰ ਵਿਚ ਡਾਕਟਰ ਕੋਲ ਜਾਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਨਾਲ ਜੋੜਿਆ ਹੈ।

ਗੌਰਤਲਬ ਹੈ ਕਿ ਕੈਨੇਡਾ ਦਾ 2023 ਦਾ ਜੰਗਲੀ ਅੱਗ ਦਾ ਸੀਜ਼ਨ ਹੁਣ ਤੱਕ ਦਾ ਰਿਕਾਰਡ ਕੀਤਾ ਗਿਆ ਸਭ ਤੋਂ ਵਿਨਾਸ਼ਕਾਰੀ ਸੀ। ਸਾਲ ਦੇ ਅੰਤ ਤੱਕ 6,000 ਤੋਂ ਵੱਧ ਅੱਗਾਂ ਨੇ 15 ਮਿਲੀਅਨ ਹੈਕਟੇਅਰ ਜ਼ਮੀਨ ਨੂੰ ਸਾੜ ਦਿੱਤਾ ਸੀ।