U.S. tariff threat: Quebec furniture company lays off 115 workers after sales drop

ਕਿਊਬੈਕ ਦੀ ਫਰਨੀਚਰ ਕੰਪਨੀ ਨੇ ਟੈਰਿਫ ਦੇ ਮੱਦੇਨਜ਼ਰ 100 ਤੋਂ ਵੱਧ ਲੋਕ ਨੌਕਰੀਓਂ ਕੱਢੇ

Share On

u-s-tariff-threat-quebec-furniture-company-lays-off-115-workers-after-sales-drop

South Shore says that in response to potential tariffs, major American retailers have increased their imports from Asia instead of Quebec. (Photo: The Canadian Press)

ਕਿਊਬੈਕ ਦੀ ਇੱਕ ਫਰਨੀਚਰ ਕੰਪਨੀ ਨੇ ਟੈਰਿਫ ਦੇ ਖ਼ਤਰੇ ਨੂੰ ਦੇਖਦੇ ਹੋਏ 100 ਤੋਂ ਵੱਧ ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ।

ਸਾਊਥ ਸ਼ੋਰ ਫਰਨੀਚਰ ਕੰਪਨੀ ਨੇ ਕਿਹਾ ਕਿ ਕੈਨੇਡੀਅਨ ਸਮਾਨ 'ਤੇ ਅਮਰੀਕੀ ਟੈਰਿਫ ਦੇ ਖ਼ਤਰੇ ਨੇ ਉਸ ਨੂੰ ਸੂਬੇ ਵਿਚ 115 ਲੋਕਾਂ ਨੂੰ ਨੌਕਰੀ ਤੋਂ ਕੱਢਣ ਲਈ ਮਜਬੂਰ ਕੀਤਾ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਕਿਊਬੈਕ ਸਿਟੀ ਦੇ ਦੱਖਣ-ਪੱਛਮ ਵਿਚ ਸਥਿਤ ਸਟੀ-ਕਰੋਇਕਸ ਵਿਚ ਆਪਣੇ ਹੈੱਡਕੁਆਰਟਰ ਅਤੇ ਫੈਕਟਰੀ ਤੋਂ 97 ਲੋਕਾਂ ਅਤੇ ਪੂਰਬੀ ਟਾਊਨਸ਼ਿਪਸ ਵਿਚ ਸਥਿਤ ਆਪਣੇ ਕਾਰੋਬਾਰ ਤੋਂ 18 ਲੋਕਾਂ ਨੂੰ ਨੌਕਰੀ ਤੋਂ ਕੱਢ ਰਹੀ ਹੈ।

ਗੌਰਤਲਬ ਹੈ ਕਿ ਟਰੰਪ ਨੇ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਕਿਹਾ ਸੀ ਕਿ ਉਹ ਟੈਰਿਫ ਨੂੰ ਘੱਟੋ-ਘੱਟ ਇੱਕ ਮਹੀਨੇ ਲਈ ਰੋਕ ਰਹੇ ਹਨ ਪਰ ਕਿਊਬੈਕ ਦੀ ਸਾਊਥ ਸ਼ੋਰ ਫਰਨੀਚਰ ਕੰਪਨੀ ਦਾ ਕਹਿਣਾ ਹੈ ਕਿ ਟਰੰਪ ਦੇ ਇਰਾਦੇ ਬਾਰੇ ਬਣੀ ਬੇਯਕੀਨੀ ਨੇ ਉਸ ਦੀ ਵਿਕਰੀ ਨੂੰ ਕਾਫ਼ੀ ਪ੍ਰਭਾਵਿਤ ਕੀਤਾ ਹੈ, ਕੰਪਨੀ ਨੇ ਕਿਹਾ ਕਿ ਉਹ 70 ਫੀਸਦੀ ਤੋਂ ਵੱਧ ਮਾਲ ਅਮਰੀਕਾ ਨੂੰ ਭੇਜਦੀ ਹੈ ਪਰ ਸੰਭਾਵਿਤ ਟੈਰਿਫ ਦੇ ਜਵਾਬ ਵਿਚ ਉਸ ਦੇ ਪ੍ਰਮੁੱਖ ਅਮਰੀਕੀ ਰਿਟੇਲਰ ਨੇ ਕਿਊਬੈਕ ਦੀ ਬਜਾਏ ਏਸ਼ੀਆ ਤੋਂ ਇੰਪੋਰਟ ਵਧਾ ਲਿਆ ਹੈ, ਜਿਸ ਨਾਲ ਕੰਪਨੀ ਦੇ ਕਾਰੋਬਾਰ ਨੂੰ ਨੁਕਸਾਨ ਹੋ ਰਿਹਾ ਹੈ।

ਕੈਨੇਡਾ ਵੱਲੋਂ ਇਸ ਸਾਲ ਇੰਡੋ-ਪੈਸੀਫਿਕ ਖੇਤਰ ਵਿਚ ਦੋ ਵਾਰ ਆਪਣੇ ਜੰਗੀ ਬੇੜੇ ਭੇਜਣ ਦੀ ਯੋਜਨਾ ਬਣਾਈ ਗਈ ਹੈ। ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਨੇ ਬੁੱਧਵਾਰ ਨੂੰ ਟੋਕੀਓ ਵਿਚ ਦਿੱਤੇ ਇੱਕ ਇੰਟਰਵਿਊ ਦੌਰਾਨ ਇਸ ਗੱਲ ਦੀ ਪੁਸ਼ਟੀ ਕੀਤੀ। ਔਟਵਾ ਵਲੋਂ ਚੁੱਕਿਆ ਜਾ ਰਿਹਾ ਇਹ ਕਦਮ ਇੰਡੋ-ਪੈਸੀਫਿਕ ਦੇ ਖੇਤਰੀ ਸਹਿਯੋਗੀਆਂ ਨਾਲ ਫੌਜੀ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ, ਭਾਵੇਂ ਕਿ ਦੂਜੇ ਪਾਸੇ ਕੈਨੇਡਾ ਵੱਲੋਂ ਚੀਨ ਨਾਲ ਵਪਾਰਕ ਸਬੰਧ ਬਣਾਏ ਰੱਖਣ ਦੀਆਂ ਕੋਸ਼ਿਸ਼ਾਂ ਵੀ ਜਾਰੀ ਹਨ।