14.86C Vancouver 14.86C VancouverSep 21, 2026 3:46 PM - Connect Newsroom - Ramandeep Kaur with files from The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਿਰੁੱਧ ਯੂ.ਸੀ.ਪੀ. ਦੇ Highwood riding group ਨੇ leadership review ਕਰਵਾਉਣ ਦੀ ਮੰਗ ਕੀਤੀ ਹੈ ।ਇਹ ਵਿਵਾਦ 19 ਅਕਤੂਬਰ ਨੂੰ ਐਲਬਰਟਾ ਦੇ ਕੈਨੇਡਾ ਵਿੱਚ ਰਹਿਣ ਜਾਂ ਵੱਖ ਹੋਣ ਸਬੰਧੀ ਹੋਣ ਵਾਲੇ ਰੈਫਰੈਂਡਮ ਦੇ ਮੱਦੇਨਜ਼ਰ ਖੜ੍ਹਾ ਹੋਇਆ ਹੈ, ਜਿੱਥੇ ਪ੍ਰੀਮੀਅਰ ਸਮਿੱਥ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਇੱਕਜੁੱਟ ਕੈਨੇਡਾ ਦੇ ਅੰਦਰ ਖੁਦਮੁਖਤਿਆਰ ਅਲਬਰਟਾ ਦੇ ਹੱਕ ਵਿੱਚ ਹਨ ਅਤੇ ਕੈਨੇਡਾ ਵਿੱਚ ਹੀ ਰਹਿਣ ਦਾ ਸਮਰਥਨ ਕਰਦੇ ਹਨ। ਇਸ ਸਟੈਂਡ ਕਾਰਨ ਵੱਖਵਾਦੀ ਗਰੁੱਪ ਨਾਰਾਜ਼ ਹੋ ਗਏ ਹਨ।
ਐਲਬਰਟਾ Prosperity ਪ੍ਰੋਜੈਕਟ ਦੇ ਮੁਖੀ ਮਿਚ ਸਿਲਵੈਸਟਰ ਸਮੇਤ ਹੋਰ ਵੱਖਵਾਦੀ ਆਗੂਆਂ ਨੇ ਦੋਸ਼ ਲਾਇਆ ਹੈ ਕਿ ਸਮਿੱਥ ਨੂੰ ਇਸ ਮੁੱਦੇ 'ਤੇ ਨਿਰਪੱਖ ਰਹਿਣਾ ਚਾਹੀਦਾ ਸੀ, ਪਰ ਏਕਤਾ ਦੇ ਪੱਖ ਵਿੱਚ ਪ੍ਰਚਾਰ ਕਰਕੇ ਉਨ੍ਹਾਂ ਨੇ ਪਾਰਟੀ ਦੇ ਆਧਾਰ ਨੂੰ ਵੰਡ ਦਿੱਤਾ ਹੈ।
ਨਿਯਮਾਂ ਮੁਤਾਬਕ ਕਿਸੇ ਲੀਡਰ ਖ਼ਿਲਾਫ਼ ਰਸਮੀ ਰਿਵਿਊ ਵੋਟ ਸ਼ੁਰੂ ਕਰਵਾਉਣ ਲਈ ਕੁੱਲ 87 ਵਿੱਚੋਂ ਘੱਟੋ-ਘੱਟ 22 ਰਾਈਡਿੰਗ ਐਸੋਸੀਏਸ਼ਨਾਂ ਦੀ ਸਹਿਮਤੀ ਲੋੜੀਂਦੀ ਹੁੰਦੀ ਹੈ, ਜਦਕਿ ਹਾਲੇ ਸਿਰਫ਼ ਹਾਈਵੁੱਡ ਰਾਈਡਿੰਗ ਨੇ ਇਹ ਕਦਮ ਚੁੱਕਿਆ ਹੈ। ਇਸ ਦੇ ਬਾਵਜੂਦ, ਪਾਰਟੀ ਦੇ ਅੰਦਰੂਨੀ ਵਿਰੋਧ ਅਤੇ ਵੱਖਵਾਦੀ ਆਗੂਆਂ ਦੀਆਂ ਚਿਤਾਵਨੀਆਂ ਨੇ ਆਉਣ ਵਾਲੇ ਨਵੰਬਰ ਸੰਮੇਲਨ ਤੋਂ ਪਹਿਲਾਂ ਡੈਨੀਅਲ ਸਮਿਥ ਲਈ ਸਿਆਸੀ ਦਬਾਅ ਕਾਫ਼ੀ ਵਧਾ ਦਿੱਤਾ ਹੈ।
