15.22C Vancouver 15.22C VancouverMar 3, 2021 1:29 AM -
ਇੱਕ ਹਾਊਸ ਆਫ ਕਾਮਨਜ਼ ਕਮੇਟੀ ਨੇ ਇੱਕਸਾਰਤਾ ਨਾਲ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਮੰਗ ਕੀਤੀ ਹੈ ਕਿ ਵਾਅਦਾ ਕੀਤਾ ਜਾਵੇ ਕਿ ਉਹ ਕੈਨੇਡਾ 'ਚ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਵਿਚਾਲੇ ਫੈਡਰਲ ਇਲੈਕਸ਼ਨ ਦਾ ਸੱਦਾ ਨਹੀਂ ਦੇਣਗੇ।
ਪ੍ਰੋਸੀਜਰ ਅਤੇ ਹਾਊਸ ਅਫੇਅਰਸ ਕਮੇਟੀ ਦੀ ਇੱਕ ਰਿਪੋਰਟ ਨੂੰ ਲਿਬਰਲ ਮੈਂਬਰਸ ਦਾ ਵੀ ਸਹਿਯੋਗ ਹਾਸਿਲ ਸੀ।
ਇਸ ਰਿਪੋਰਟ 'ਚ ਸਿਫਾਰਿਸ਼ ਕੀਤੀ ਗਈ ਹੈ, ਜਿਸ 'ਚ ਪੈਂਡੈਮਿਕ ਦੌਰਾਨ ਚੋਣਾਂ ਨਾ ਕਰਵਾਉਣ ਦੀ ਕਮਿਟਮੈਂਟ ਦੀ ਮੰਗ ਕੀਤੀ ਗਈ ਹੈ।
ਹਾਲਾਂਕਿ ਜੇਕਰ ਟਰੂਡੋ ਦੀ ਮਾਈਨੌਰੀਟੀ ਸਰਕਾਰ ਨੂੰ ਕਿਸੇ ਵੇਲੇ ਕਾਂਫੀਡੈਂਸ ਵੋਟ ਵਿੱਚ ਹਾਰ ਮਿਲਦੀ ਹੈ ਤਾਂ ਚੋਣਾਂ 'ਚ ਜਾਣਾ ਵੱਖਰਾ ਮਾਮਲਾ ਹੋਵੇਗਾ।
ਹਾਲਾਂਕਿ ਕਮੇਟੀ ਨੇ ਬਾਕੀ ਪਾਰਟੀਆਂ ਨੂੰ ਅਜਿਹੀ ਮੰਗ ਨਹੀਂ ਕੀਤੀ ਹੈ ਜਿਸ 'ਚ ਚੋਣਾਂ ਤੋਂ ਬਚਾਅ ਲਈ ਆਖਿਆ ਗਿਆ ਹੋਵੇ ਜਾਂ ਕਿਸੇ ਅਜਿਹੀ ਹਰਕਤ ਤੋਂ ਰੋਕਿਆ ਹੋਵੇ ਜਿਸ ਨਾਲ ਚੋਣਾਂ ਦੇ ਹਾਲਾਤ ਬਣ ਜਾਣ।
ਹਾਲਾਂਕਿ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਆਖਿਆ ਹੈ ਕਿ ਉਨ੍ਹਾਂ ਦੀ ਪਾਰਟੀ ਮੌਜੂਦਾ ਸਰਕਾਰ ਨੂੰ ਡੇਗਣ ਲਈ ਵੋਟ ਨਹੀਂ ਕਰੇਗੀ।
ਖਾਸ ਤੌਰ 'ਤੇ ਉਸ ਵੇਲੇ ਜਦ ਦੇਸ਼ 'ਚ ਕੋਵਿਡ-19 ਦਾ ਸੰਕਟ ਮੰਡਰਾ ਰਿਹਾ ਹੈ।
