16.7C Vancouver 16.7C VancouverJan 11, 2020 5:00 PM -
ਅੰਤਰਰਾਸ਼ਟਰੀ ਦਬਾਅ ਦੇ ਚਲਦੇ ਇਰਾਨ ਦੇ ਰੈਵੋਲੂਸ਼ਨਾਰੀ ਗਾਰਡ (Revolutionary Guard) ਨੇ ਆਪਣੀ ਗ਼ਲਤੀ ਮੰਨਦਿਆਂ ਹੋਇਆ ਕਿਹਾ ਹੈ ਕਿ ਯੂਕ੍ਰੇਨੀਅਨ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਦਾ ਕਾਰਨ ਇਰਾਨ ਵੱਲੋਂ ਗ਼ਲਤੀ ਨਾਲ ਕੀਤਾ ਗਿਆ ਮਿਜ਼ਾਈਲ ਹਮਲਾ ਹੀ ਸੀ।
ਇਰਾਨ ਮੁਤਾਬਿਕ ਉਹਨਾਂ ਵੱਲੋਂ ਇਸ ਜਹਾਜ਼ ਨੂੰ ਅਮਰੀਕੀ ਜਵਾਬੀ ਹਮਲੇ ਦੇ ਡਰ ਦੇ ਚਲਦੇ ਹੋਈ ਗ਼ਲਤਫ਼ਹਿਮੀ ਦੇ ਕਾਰਨ ਨਿਸ਼ਾਨਾ ਬਣਾਇਆ ਗਿਆ। ਇਸ ਕਬੂਲਨਾਮੇ ਤੋਂ ਬਾਅਦ ਅੰਤਰਰਾਸ਼ਟਰੀ ਪੱਧਰ ਤੇ ਇਰਾਨ ਦੀ ਨਿਖੇਦੀ ਹੋ ਰਹੀ ਹੈ।
ਯੂਕਰੇਨ ਨੇ ਇਰਾਨ ਵੱਲੋਂ ਅਮਰੀਕਾ ਨਾਲ ਚਲਦੇ ਤਣਾਅ ਦੌਰਾਨ ਆਪਣੀ ਏਅਰਸਪੇਸ (airspace) ਖੁੱਲੀ ਰੱਖੀ ਜਾਣ ਦੀ ਆਲੋਚਨਾ ਕੀਤੀ ਹੈ।
ਯੂਕਰੇਨ ਇੰਟਰਨੈਸ਼ਨਲ ਏਅਰਲਾਈਨਜ਼ ਦੇ ਸੀਨੀਅਰ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਰਾਨ ਦਾ ਇਹ ਫ਼ੈਸਲਾ ਬਿਲਕੁਲ ਗ਼ੈਰਜ਼ਿੱਮੇਦਰਾਨਾ ਸੀ।
ਇਰਾਨੀ ਰੈਵੋਲੂਸ਼ਨਰੀ ਗਾਰਡ ਦੇ ਇੱਕ ਸੀਨੀਅਰ ਕਮਾਂਡਰ ਜਨਰਲ ਆਮਿਰ ਅਲੀ ਹਾਜੀਜ਼ਾਦੇਹ ਨੇ ਕਿਹਾ ਕਿ ਉਹਨਾਂ ਦਾ ਯੂਨਿਟ ਇਸ ਗ਼ਲਤੀ ਦੀ ਪੂਰੀ ਜਿੰਮੇਦਾਰੀ ਸਵੀਕਾਰ ਕਰਦਾ ਹੈ।
ਉਹਨਾਂ ਕਿਹਾ ਕਿ ਜਦ ਉਹਨਾਂ ਨੂੰ ਪਤਾ ਲੱਗਾ ਕਿ ਇਸ ਜਹਾਜ਼ ਵਿੱਚ 176 ਲੋਕ ਸਵਾਰ ਸਨ ਤਾਂ ਉਹਨਾਂ ਨੂੰ ਬੇਹੱਦ ਪਛਤਾਵਾ ਹੋਇਆ।
