ਕੈਨੇਡਾ, ਬੀ.ਸੀ. 'ਚ ਹੇਠਾਂ ਆ ਰਹੀ ਬੇਰੁਜ਼ਗਾਰੀ, ਅਗਸਤ ਦੇ ਮੁਕਾਬਲੇ ਉਤਸ਼ਾਹਿਤ ਕਰਨ ਵਾਲੇ ਸਿਤੰਬਰ ਦੇ ਅੰਕੜੇ

ਬੀ.ਸੀ. 'ਚ ਬੇਰੁਜ਼ਗਾਰੀ ਦੀ ਦਰ ਹੇਠਾਂ ਜਾ ਰਹੀ ਹੈ।

ਪੂਰੇ ਦੇਸ਼ 'ਚ ਵੀ ਬੇਰੁਜ਼ਗਾਰੀ ਸੰਬੰਧੀ ਅੰਕੜਿਆਂ 'ਚ ਕੁਝ ਗਿਰਾਵਟ ਆ ਰਹੀ ਹੈ।

ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ 3,78,000 ਫੁੱਲ-ਟਾਈਮ ਜੌਬਸ ਦਾ ਵਾਧਾ ਹੋਇਆ ਹੈ।

ਅਗਸਤ ਦੇ ਮਹੀਨੇ 'ਚ ਦਰਜ ਕੀਤਾ ਗਿਆ 'ਜੌਬਲੈਸ ਰੇਟ' 10.2% ਤੋਂ 9% 'ਤੇ ਆ ਗਿਆ ਹੈ।

ਇਸ ਤੋਂ ਪਹਿਲਾਂ ਪੈਂਡੇਮਿਕ ਦੇ ਦਸਤਕ ਦੇਣ ਤੋਂ ਬਾਅਦ, ਬੇਰੁਜ਼ਗਾਰੀ ਦੀ ਦਰ, 13.7% ਦੇ ਰਿਕਾਰਡ ਅੰਕੜੇ ਤੱਕ ਪਹੁੰਚ ਗਈ ਸੀ।

ਹਾਲਾਂਕਿ ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ ਦਾ ਅੰਕੜਾ 11.9% ਹੋ ਸਕਦਾ ਸੀ, ਜੇਕਰ ਉਨ੍ਹਾਂ ਲੋਕਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੁੰਦਾ, ਜੋ ਕੰਮ ਕਰਨਾ ਚਾਹੁੰਦੇ ਸਨ, ਪਰ ਕੰਮ ਦੀ ਭਾਲ ਨਹੀਂ ਕਰ ਰਹੇ ਸਨ।

ਬੀ.ਸੀ. 'ਚ ਸਿਤੰਬਰ ਦੇ ਮਹੀਨੇ 'ਚ 'ਜੌਬਲੈਸ ਰੇਟ' 8.4% 'ਤੇ ਆਇਆ ਦੱਸਿਆ ਗਿਆ ਹੈ।

ਅਗਸਤ 'ਚ ਇਹ 10.7% 'ਤੇ ਰਿਕਾਰਡ ਕੀਤਾ ਗਿਆ ਸੀ।