16.59C Vancouver 16.59C VancouverMar 12, 2021 9:25 PM -
ਬੀ.ਸੀ. ਦੇ ਜੌਬਜ਼, ਵਿੱਤੀ ਰਿਕਵਰੀ ਅਤੇ ਇਨੋਵੇਸ਼ਨ ਮੰਤਰੀ, ਰਵੀ ਕਾਹਲੋਂ ਨੇ ਸਟੈਟਿਸਟਿਕਸ ਕੈਨੇਡਾ ਦੇ ਫਰਵਰੀ ਦੇ ਮਹੀਨੇ ਦੇ 'ਲੇਬਰ ਫੋਰਸ ਸਰਵੇ' ਬਾਰੇ ਬਿਆਨ ਜਾਰੀ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਪੈਂਡੈਮਿਕ ਦੇ ਦਸਤਕ ਦੇਣ ਤੋਂ ਇੱਕ ਸਾਲ ਵਿਚਾਲੇ ਬੀ.ਸੀ. ਨੇ ਪੈਂਡੈਮਿਕ ਦੇ ਪਹਿਲਾਂ ਦੇ ਰੁਜ਼ਗਾਰੀ ਦੇ ਪੱਧਰ ਦੇ 99.4% ਤਕ ਵਾਪਸੀ ਕਰ ਲਈ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਦੀ ਇਕਾਨਮੀ ਦੇਸ਼ ਦੀਆਂ ਸਭ ਤੋਂ ਮਜ਼ਬੂਤ ਇਕਾਨਮੀਆਂ 'ਚ ਸ਼ਾਮਿਲ ਹੈ ਅਤੇ ਬੀਤੇ 10 ਮਹੀਨੇ ਦੌਰਾਨ ਨੌਕਰੀਆਂ ਪ੍ਰਦਾਨ ਹੁੰਦੀਆਂ ਰਹੀਆਂ ਹਨ।
ਫਰਵਰੀ ਦੇ ਮਹੀਨੇ 'ਚ ਬੀ.ਸੀ. 'ਚ 26,600 ਨੌਕਰੀਆਂ ਦੇ ਵਾਧੇ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ 'ਚ ਵਧੇਰੇ ਨੌਕਰੀਆਂ ਔਰਤਾਂ ਨੂੰ ਮਿਲੀਆਂ ਹਨ।
ਇਸ ਦੇ ਨਾਲ ਬੀ.ਸੀ. 'ਚ ਜਨਵਰੀ ਦੇ ਮਹੀਨੇ 'ਚ 8% 'ਤੇ ਦਰਜ ਕੀਤੀ ਗਈ ਬੇਰੁਜ਼ਗਾਰੀ ਦਰ ਫਰਵਰੀ ਦੇ ਮਹੀਨੇ 'ਚ 6.9% 'ਤੇ ਪਹੁੰਚ ਗਈ ਹੈ।
ਸੂਬੇ ਦੇ ਕੁਝ ਹਿੱਸਿਆਂ ਵਿੱਚ ਰੁਜ਼ਗਾਰੀ ਦਰ ਪੈਂਡੈਮਿਕ ਦੇ ਪਹਿਲਾਂ ਦੇ ਅੰਕੜੇ ਨੂੰ ਪਾਰ ਵੀ ਕਰ ਗਈ ਹੈ।
ਉਦਾਹਰਣ ਵਜੋਂ ਪ੍ਰਿੰਸ ਜੌਰਜ ਵਿੱਚ 106.7% ਅਤੇ ਕੈਮਲੂਪਸ ਵਿੱਚ 103.3% ਦੇ ਅੰਕੜੇ ਦਰਜ ਕੀਤੇ ਗਏ ਹਨ।
