9.82C Vancouver 9.82C VancouverDec 1, 2023 5:19 PM - The Canadian Press
ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਸ਼ੁੱਕਰਵਾਰ ਨੂੰ ਜਾਰੀ ਹੋਏ ਨਵੇਂ ਅੰਕੜਿਆਂ ਅਨੁਸਾਰ ਨਵੰਬਰ ਮਹੀਨੇ ਕੈਨੇਡਾ ਵਿੱਚ 25,000 ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਏ ਹਨ। ਹਾਲਾਂਕਿ, ਆਬਾਦੀ ਵਿੱਚ ਤੇਜ਼ੀ ਨਾਲ ਹੋ ਰਹੇ ਵਾਧੇ ਕਾਰਨ ਬੇਰੁਜ਼ਗਾਰੀ ਦਰ 5.8 ਫੀਸਦੀ ਤੱਕ ਵਧ ਗਈ ਹੈ ਜੋ ਕਿ 22 ਮਹੀਨਿਆਂ ਦਾ ਉੱਚ ਪੱਧਰ ਹੈ।
ਸਟੈਟਿਸਟਿਕਸ ਕੈਨੇਡਾ ਨੇ ਸ਼ੁੱਕਰਵਾਰ ਨੂੰ ਇਹ ਤਾਜ਼ਾ ਅੰਕੜੇ ਜਾਰੀ ਕੀਤੇ। ਰਾਇਲ ਬੈਂਕ ਆਫ ਕੈਨੇਡਾ ਨੂੰ ਕੈਨੇਡੀਅਨ ਆਰਥਿਕਤਾ ਵਿੱਚ 15 ਹਜ਼ਾਰ ਨੌਕਰੀਆਂ ਵੱਧਣ ਦਾ ਅਨੁਾਮਾਨ ਸੀ। ਹਾਲਾਂਕਿ ਬੇਰੁਜ਼ਗਾਰੀ ਦਰ ਵਿੱਚ ਅਕਤੂਬਰ ਮਹੀਨੇ ਨਾਲੋਂ 0.1 ਫੀਸਦੀ ਦਾ ਵਾਧਾ ਅਰਥਸ਼ਾਸਤਰੀਆਂ ਦੀਆਂ ਉਮੀਦਾਂ ਮੁਤਾਬਿਕ ਰਿਹਾ।
ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਨਵੰਬਰ ਵਿੱਚ ਮੈਨੂਫ਼ੈਕਚਰਿੰਗ ਅਤੇ ਕੰਸਟਰਕਸ਼ ਸੈਕਟਰ ਨੇ ਰੁਜ਼ਗਾਰ ਵਿੱਚ ਵਾਧਾ ਦਰਜ ਕੀਤਾ, ਜਦੋਂ ਕਿ ਥੋਕ ਅਤੇ ਰਿਟੇਲ ਦੇ ਨਾਲ-ਨਾਲ ਵਿੱਤ, ਬੀਮਾ, ਰੀਅਲ ਅਸਟੇਟ, ਰੈਂਟਲ ਅਤੇ ਲੀਜ਼ਿੰਗ ਸੈਕਟਰ ਵਿੱਚ ਨੌਕਰੀਆਂ ਘੱਟ ਹੋਈਆਂ ਹਨ ।
ਜੌਬ ਮਾਰਕੀਟ ਵਿੱਚ ਇਹ ਨਰਮੀ ਉਦੋਂ ਆਈ ਹੈ ਜਦੋਂ ਉੱਚ ਵਿਆਜ ਦਰਾਂ ਕਾਰਨ ਆਰਥਿਕ ਵਿਕਾਸ ਹੌਲੀ ਹੋ ਰਿਹਾ ਹੈ ਅਤੇ ਆਬਾਦੀ ਵਿੱਚ ਵਾਧੇ ਕਾਰਨ ਕੰਮ ਦੀ ਤਲਾਸ਼ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵਧੀ ਹੈ। ਵੀਕਰ ਜੌਬ ਮਾਰਕੀਟ ਦਾ ਇਹ ਵੀ ਮਤਲਬ ਹੈ ਕਿ ਛਾਂਟੀ ਕਾਰਨ ਵਧੇਰੇ ਵਰਕਰ ਬੇਰੁਜ਼ਗਾਰ ਹੋ ਰਹੇ ਹਨ।
