12.96C Vancouver 12.96C VancouverSep 13, 2023 6:41 PM -
ਵੈਸਟਜੈੱਟ ਕੈਬਿਨ ਕਰੂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਵੱਲੋਂ ਹਾਲ ਹੀ ਦੀ ਇੱਕ ਫਲਾਈਟ ਦੇ ਪਬਲਿਕ ਐਡਰੈੱਸ ਸਿਸਟਮ 'ਤੇ ਬੋਲਣ ਤੋਂ ਬਾਅਦ ਏਅਰਲਾਈਨ ਤੋਂ ਮੁਆਫੀ ਦੀ ਮੰਗ ਕਰ ਰਹੀ ਹੈ।
ਔਨਲਾਈਨ ਪ੍ਰਸਾਰਿਤ ਕੀਤੀ ਗਈ ਇੱਕ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਕੰਜ਼ਰਵੇਟਿਵ ਪਾਰਟੀ ਦੀ ਕਨਵੈਂਸ਼ਨ ਤੋਂ ਬਾਅਦ ਐਤਵਾਰ ਰਾਤ ਨੂੰ ਕੈਲਗਰੀ ਜਾਣ ਵਾਲੀ ਫ਼ਲਾਈਟ ਵਿੱਚ ਪੌਲੀਐਵ ਜਹਾਜ਼ ਦੇ ਪਬਲਿਕ ਐਡਰੈੱਸ ਸਿਸਟਮ 'ਤੇ ਬੋਲਦੇ ਨਜ਼ਰ ਆ ਰਹੇ ਨੇ।
ਪੌਲੀਐਵ ਦਾ ਚੋਣ ਮੁਹਿੰਮ ਦੇ ਸਟਾਈਲ ਦਾ ਭਾਸ਼ਣ 45 ਸੈਕੰਡ ਚਲਦਾ ਹੈ ਜਿਸ ਮਗਰੋਂ ਯਾਤਰੀਆਂ ਦਾ ਹਾਸਾ ਅਤੇ ਤਾੜੀਆਂ ਵੀ ਸੁਣ ਰਹੀਆਂ ਸਨ
। ਸੀਯੂਪੀਈ ਅਲਬਰਟਾ ਦੀ ਸਥਾਨਕ ਪ੍ਰਧਾਨ ਆਲੀਆ ਹੁਸੈਨ ਦਾ ਕਹਿਣਾ ਹੈ ਕਿ ਇਹ ਬਹੁਤ ਨਿਰਾਸ਼ਾਜਨਕ ਹੈ ਕਿ ਏਅਰਲਾਈਨ ਨੇ ਇੱਕ ਸਿਆਸਤਦਾਨ ਨੂੰ ਪਬਲਿਕ ਐਡਰੈੱਸ ਸਿਸਟਮ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦਿੱਤੀ।
ਐਕਸ 'ਤੇ ਪੋਸਟ ਕੀਤੇ ਗਏ ਇੱਕ ਬਿਆਨ ਵਿੱਚ ਆਲੀਆ ਨੇ ਕਿਹਾ ਕਿ ਪੀਅਰ ਪੌਲੀਐਵ ਨੂੰ ਬੋਲਣ ਦੀ ਆਗਿਆ ਦੇਣ ਦੇ ਫੈਸਲੇ ਵਿੱਚ ਕੋਈ ਇਨਪੁੱਟ ਨਹੀਂ ਸੀ ਅਤੇ ਏਅਰਲਾਈਨ ਦੇ ਨਿਯਮ ਅਨੁਸਾਰ ਸਿਰਫ ਚਾਲਕ ਦਲ ਦੇ ਮੈਂਬਰ ਸਿਸਟਮ ਦੀ ਵਰਤੋਂ ਕਰ ਸਕਦੇ ਹਨ।
ਆਲੀਆ ਹੁਸੈਨ ਨੇ ਫ਼ਲਾਈਟ ਦੇ ਕਰੂ ਮੈਂਬਰਾਂ ਨੂੰ ਦੋਸ਼ੀ ਠਹਿਰਾਉਣ ‘ਤੇ ਵੈਸਟਜੈੱਟ ਤੋਂ ਮੁਆਫ਼ੀ ਦੀ ਮੰਗ ਕੀਤੀ ਹੈ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਏਅਰਲਾਈਨ ਅਤੇ ਪੌਲੀਐਵ ਦੋਵਾਂ ਦਾ ਹੀ ਫ਼ੈਸਲਾ ਮਾੜਾ ਸੀ।
