17.75C Vancouver 17.75C VancouverSep 4, 2025 3:45 PM - The Canadian Press
ਬੀ. ਸੀ. ਵਿਚ ਹਜ਼ਾਰਾਂ ਪਬਲਿਕ ਸਰਵਿਸ ਵਰਕਰਜ਼ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦਾ ਕਹਿਣਾ ਹੈ ਕਿ ਉਹ ਚੱਲ ਰਹੇ ਵਿਵਾਦ ਵਿਚਕਾਰ ਆਪਣੇ ਹੜਤਾਲ ਦੀ ਕਾਰਵਾਈ ਵਧਾ ਰਹੀ ਹੈ, ਜਿਸ ਤਹਿਤ ਅੱਜ ਡਾਊਨਟਾਊਨ ਵੈਨਕੂਵਰ ਵਿਚ ਵਿੱਤ ਮੰਤਰਾਲਾ ਦੇ ਦਫਤਰ ਵਿਖੇ ਵੀ ਧਰਨਾ ਦਿੱਤਾ ਜਾਵੇਗਾ।
ਬੀਸੀ ਜਨਰਲ ਇੰਪਲਾਈਜ਼ ਯੂਨੀਅਨ ਦੇ ਕੁਝ ਮੈਂਬਰਸ ਵਲੋਂ ਹੜਤਾਲ ਦਾ ਇਹ ਤੀਜਾ ਦਿਨ ਹੈ। ਯੂਨੀਅਨ ਬਿਹਤਰ ਤਨਖਾਹਾਂ ਦੀ ਮੰਗ ਕਰ ਰਹੀ ਹੈ ਅਤੇ ਉਸ ਦਾ ਕਹਿਣਾ ਹੈ ਕਿ ਇਸ ਗੱਲ ਦਾ ਕੋਈ ਸੰਕੇਤ ਨਹੀਂ ਹੈ ਕਿ ਸੂਬਾ ਸਰਕਾਰ ਦੀ ਪਬਲਿਕ ਸਰਵਿਸ ਏਜੰਸੀ ਇੱਕ ਬਿਹਤਰ ਪੇਸ਼ਕਸ਼ ਨਾਲ ਗੱਲਬਾਤ ਲਈ ਵਾਪਸ ਆਉਣ ਲਈ ਤਿਆਰ ਹੈ।
ਲਗਭਗ 34,000 ਪਬਲਿਕ ਸਰਵਿਸ ਵਰਕਰਜ਼ ਦੀ ਨੁਮਾਇੰਦਗੀ ਕਰਨ ਵਾਲੀ ਬੀ.ਸੀ.ਜੀ.ਈ.ਯੂ. ਦਾ ਕਹਿਣਾ ਹੈ ਕਿ ਜੌਬ ਐਕਸ਼ਨ ਦੇ ਪਹਿਲੇ ਦੌਰ ਵਿਚ ਪ੍ਰਿੰਸ ਜਾਰਜ ਤੋਂ ਲੈ ਕੇ ਸਰੀ ਅਤੇ ਵਿਕਟੋਰੀਆ ਤੱਕ ਮੁੱਖ ਦਫ਼ਤਰਾਂ ਵਿਚ ਉਸ ਦੇ 2,600 ਤੋਂ ਵੱਧ ਮੈਂਬਰਸ ਧਰਨੇ ਵਿਚ ਸ਼ਾਮਲ ਹੋਏ ਹਨ। ਗੌਰਤਲਬ ਹੈ ਕਿ ਬੀਤੇ ਕੱਲ੍ਹ ਸਰੀ ਵਿਚ ਡਰਾਈਵਰ ਲਾਇਸੈਂਸ ਸੇਵਾਵਾਂ ਵੀ ਪ੍ਰਭਾਵਿਤ ਹੋਈਆਂ ਸਨ।
