15.25C Vancouver 15.25C VancouverAug 30, 2021 8:55 PM -
ਆਰ.ਸੀ.ਐਮ.ਪੀ. ਅਫ਼ਸਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦਾ ਕਹਿਣਾ ਹੈ ਕਿ ਉਹ ਪ੍ਰੀਮਿਅਰ ਜੌਨ ਹੌਰਗਨ ਦੀ ਸਲਾਹ ਤੋਂ ਚਿੰਤਤ ਹਨ।
ਇਹ ਬਿਆਨ ਉਸ ਵੇਲੇ ਆਇਆ ਹੈ ਜਦ ਸ਼ੁੱਕਰਵਾਰ ਨੂੰ ਹੌਰਗਨ ਨੇ ਕਿਹਾ ਸੀ ਕਿ ਜੇਕਰ ਕੋਈ ਵਿਅਕਤੀ ਕਿਸੇ ਰੈਸਟੂਰੈਂਟ ਜਾਂ ਵਪਾਰਿਕ ਜਗ੍ਹਾ 'ਤੇ ਵੈਕਸੀਨ ਕਾਰਡ ਨਿਯਮਾਂ ਦੀ ਪਾਲਣਾ ਨਹੀਂ ਕਰਦਾ ਤਾਂ ਪੁਲਿਸ ਨੂੰ ਸੱਦਿਆ ਜਾਵੇ।
ਨੈਸ਼ਨਲ ਪੁਲਿਸ ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਉਸ ਦੇ ਮੈਂਬਰ ਕਿਸੇ ਵੀ ਮੌਕੇ 'ਤੇ ਪ੍ਰੋਫੈਸ਼ਨਲ ਤਰੀਕੇ ਨਾਲ ਪਹੁੰਚ ਕਰਨਗੇ ਅਤੇ ਮਾਮਲੇ ਨਾਲ ਨਜਿੱਠਣਗੇ।
ਹਾਲਾਂਕਿ ਯੂਨੀਅਨ ਨੇ ਚਿੰਤਾ ਜਾਹਿਰ ਕੀਤੀ ਕਿ ਪੁਲਿਸ 'ਤੇ ਜ਼ਿੰਮੇਵਾਰੀਆਂ ਵਧਦੀਆਂ ਜਾ ਰਹੀਆਂ ਹਨ ਜਦਕਿ ਪੁਲਿਸ ਨੂੰ ਵਧੇਰੇ ਰਿਸੋਰਸ ਨਹੀਂ ਦਿੱਤੇ ਜਾ ਰਹੇ।
ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਵਧੇਰੇ ਫੰਡਿੰਗ ਵੀ ਮੁਹਈਆ ਨਹੀਂ ਕਰਵਾਈ ਜਾ ਰਹੀ।
ਇਸ ਮੌਕੇ ਦੱਸਿਆ ਗਿਆ ਕਿ ਇਸ ਗਰਮੀ ਦੀ ਰੁੱਤ ਦੌਰਾਨ 650 ਤੋਂ ਵਧੇਰੇ ਪੁਲਿਸ ਮੈਂਬਰ ਵਾਈਲਡਫਾਇਰ ਰਿਸਪਾਂਸ ਲਈ ਲਗਾਏ ਗਏ ਹਨ ਅਤੇ ਵੱਡੀ ਗਿਣਤੀ 'ਚ ਅਫ਼ਸਰਾਂ ਨੂੰ ਵੈਨਕੂਵਰ ਆਈਲੈਂਡ 'ਤੇ ਫੈਰੀ ਕਰੀਕ ਇਲਾਕੇ 'ਚ ਇੰਜੰਕਸ਼ਨ ਲਈ ਭੇਜਿਆ ਗਿਆ ਹੈ।
