13.14C Vancouver 13.14C VancouverOct 31, 2024 8:05 PM - The Canadian Press
ਬੀ.ਸੀ. ਵਿਚ ਬੰਦਰਗਾਹ ਹੜਤਾਲ ਦਾ ਖ਼ਤਰਾ ਮੰਡਰਾ ਰਿਹਾ ਹੈ। ਹਾਲਾਂਕਿ, ਹੜਤਾਲ ਨੂੰ ਟਾਲਣ ਲਈ ਬੰਦਰਗਾਹ ਰੁਜ਼ਗਾਰਦਾਤਾ ਅਤੇ ਫੋਰਮੈਨ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਵਿਚਕਾਰ ਅੰਤਿਮ ਦੌਰ ਦੀ ਗੱਲਬਾਤ ਹੋ ਰਹੀ ਹੈ। ਦੋਹਾਂ ਧਿਰਾਂ ਵਿਚ ਸੰਘੀ ਵਿਚੋਲਗੀ ਸੇਵਾਵਾਂ ਦੀ ਮਦਦ ਨਾਲ ਮੌਜੂਦਾ ਗੱਲਬਾਤ ਦਾ ਸੈਸ਼ਨ 29 ਅਕਤੂਬਰ ਨੂੰ ਸ਼ੁਰੂ ਹੋਇਆ ਸੀ ਅਤੇ ਜੇ ਜ਼ਰੂਰੀ ਹੋਇਆ ਤਾਂ ਇਸ ਨੂੰ ਦੋ ਦਿਨਾਂ ਤੱਕ ਵਧਾਇਆ ਜਾ ਸਕਦਾ ਹੈ।
ਬੀ. ਸੀ. ਬੰਦਰਗਾਹ ਦੇ 700 ਫੋਰਮੈਨ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇ ਗੱਲਬਾਤ ਸਿਰੇ ਨਾ ਚੜ੍ਹੀ ਤਾਂ ਉਸ ਦੇ ਮੈਬਰਾਂ ਵਲੋਂ ਹੜਤਾਲ ਲਈ ਦਿੱਤੀ ਗਈ ਡੈੱਡਲਾਈਨ ਦੋ ਨਵੰਬਰ ਨੂੰ ਸਮਾਪਤ ਹੋ ਜਾਵੇਗੀ।
ਯੂਨੀਅਨ ਦਾ ਵਿਵਾਦ ਡੀ.ਪੀ. ਵਰਲਡ ਨਾਲ ਚੱਲ ਰਿਹਾ ਹੈ ਪਰ ਕੈਨੇਡਾ ਇੰਡਸਟਰੀਅਲ ਰਿਲੇਸ਼ਨਜ਼ ਬੋਰਡ ਮੁਤਾਬਕ, ਯੂਨੀਅਨ ਇਕੱਲੇ ਸਿਰਫ ਇੱਕ ਕਰਮਚਾਰੀ ਨਾਲ ਸੌਦੇਬਾਜ਼ੀ ਨਹੀਂ ਕਰ ਸਕਦੀ। ਫੋਰਮੈਨ ਯੂਨੀਅਨ ਨੇ ਇਸ ਨੂੰ ਪੂਰੀ ਪੋਰਟ ਇੰਡਸਟਰੀ ਨੂੰ ਹੜਤਾਲ ਵਿਚ ਧੱਕਣ ਦਾ ਕਦਮ ਕਰਾਰ ਦਿੱਤਾ ਹੈ। ਗੌਰਤਲਬ ਹੈ ਕਿ ਪਿਛਲੇ ਸਾਲ ਬੰਦਰਗਾਹ ਕਰਮਚਾਰੀਆਂ ਦੀ 13 ਦਿਨਾਂ ਦੀ ਹੜਤਾਲ ਨੇ ਬੰਦਰਗਾਹਾਂ ’ਤੇ ਅਰਬਾਂ ਡਾਲਰ ਦਾ ਵਪਾਰ ਠੱਪ ਕਰ ਦਿੱਤਾ ਸੀ।
