18.26C Vancouver 18.26C VancouverSep 8, 2025 3:42 PM - The Canadian Press
ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਵਲੋਂ ਆਪਣੀ ਹੜਤਾਲ ਹੋਰ ਤੇਜ਼ ਕੀਤੀ ਜਾ ਸਕਦੀ ਹੈ। ਯੂਨੀਅਨ ਲੀਡਰਸ ਵਲੋਂ ਸੋਮਵਾਰ ਸਵੇਰੇ ਸਰੀ ਵਿਚ ਇਸ ਦਾ ਐਲਾਨ ਕੀਤਾ ਜਾ ਸਕਦਾ ਹੈ। ਬੀ.ਸੀ.ਜੀ.ਈ.ਯੂ.ਦੇ ਪ੍ਰਧਾਨ ਪਾਲ ਫਿੰਚ ਇਸ ਸਬੰਧੀ ਐਲਾਨ ਲਈ 152 ਸਟਰੀਟ 'ਤੇ ਸੂਬਾਈ ਸਰਕਾਰੀ ਦਫ਼ਤਰ ਦੇ ਬਾਹਰ ਸਵੇਰੇ 10 ਵਜੇ ਵਰਕਰਾਂ ਨਾਲ ਪ੍ਰਦਰਸ਼ਨ ਵਿਚ ਸ਼ਾਮਲ ਹੋਣਗੇ।
ਇਹ ਯੂਨੀਅਨ 34,000 ਤੋਂ ਵੱਧ ਪਬਲਿਕ ਸਰਵਿਸ ਮੈਂਬਰ ਦੀ ਨੁਮਾਇੰਦਗੀ ਕਰਦੀ ਹੈ, ਜੋ ਜੁਲਾਈ ਵਿਚ ਬੀ.ਸੀ. ਪਬਲਿਕ ਸਰਵਿਸ ਏਜੰਸੀ ਨਾਲ ਕੰਟਰੈਕਟ ਸਬੰਧੀ ਗੱਲਬਾਤ ਟੁੱਟਣ ਤੋਂ ਬਾਅਦ 2 ਸਤੰਬਰ ਤੋਂ ਹੜਤਾਲ 'ਤੇ ਹੈ ਅਤੇ ਸੂਬੇ ਭਰ ਵਿਚ ਸਰਕਾਰੀ ਕਰਮਚਾਰੀਆਂ ਵਲੋਂ ਹੜਤਾਲ ਦਾ ਅੱਜ ਲਗਾਤਾਰ ਪੰਜਵਾਂ ਦਿਨ ਹੈ।
ਯੂਨੀਅਨ ਦੇ ਮੈਂਬਰ ਹੁਣ ਤੱਕ ਸਰੀ, ਵਿਕਟੋਰੀਆ, ਪ੍ਰਿੰਸ ਜਾਰਜ ਅਤੇ ਹੋਰ ਕਮਿਊਨਿਟੀਜ਼ ਵਿਚ ਸੂਬਾਈ ਦਫਤਰਾਂ ਦੇ ਬਾਹਰ ਪ੍ਰਦਰਸ਼ਨ ਕਰ ਰਹੇ ਹਨ ਹੈ, ਜਿਸ ਕਾਰਨ ਆਈਸੀਬੀਸੀ ਸ਼ਾਖਾਵਾਂ ਅਤੇ ਵੱਖ-ਵੱਖ ਸਰਕਾਰੀ ਦਫ਼ਤਰਾਂ 'ਤੇ ਪਹਿਲਾਂ ਹੀ ਸੇਵਾਵਾਂ ਪ੍ਰਭਾਵਿਤ ਹਨ।
